უმიზნოდ ბოდიალი

ზოგჯერ დილით ისეთ ხასიათზე ვიღვიძებ, რომ ჩემი ერთადერთი სურვილი სახლიდან სწრაფად და სადმე გასვლაა,  რაც მთავარია საბურთალოს გავცდე და მერე მნიშვნელობა აღარ აქვს სად წავალ, მთვარია მოვცილდე საბურთალოს იქ სადაც სახლი ახლოსაა და კიდევ უამრავი ადამიანია რომლის ნახვაც არც თუ ისე ძალიან გამიხარდება.

მაგრამ არასდროს არ ვაჯდები შემთხვევით ავტობუსს და არ მივდივარ შემთხვევით ადგილას, ყოველთვის როდესაც ასეთი სურვილები წამძლევს და გასვლას გადავწყვეტ ვხვდები რომ ვერ წავალ ისეთ ადგილას სადაც ჯერ არ ვყოფილვარ, ვერსად ვერ დავჯდები სადაც ჯერ არ ვმჯდარვარ და ვერაფერს ვნახავ რაც ჯერ არ მინახავს.

არამგონია ეს ქალაქის ბრალი იყოს, ალბათ უკვე მოვასწარი მისი მოვლა, არც ისეთი ადგილია რამე სადაც სიამოვნებით წავალ ყოველთვის, ამიტომ მინდა რომ ასეთი დილა უცნობ, უცხო ქალაქში გამითენდეს სადაც სახლიდან გასვლისას არაფერი მეცნობა და მზად ვიქნები პირველ მოსულ ავტობუსში ავიდე, მისი ნომერი დავიმახსოვრო და გავყვე სადმე შორს ან ჩავიდე მეტროში და რამდენიმეჯერ გადავჯდე ერთი ხაზიდან მეორეზე და შემდეგ რიგით მე-7 სადგურზე ამოვიდე ან მე-11ზე, ოღონდ ისე რომ გადასხდომების რიგითობა დავიმახსოვრო და უკან დაბრუნება შევძლო როდესაც სახლი მომენატრება.

Advertisements

სტივ ჯობსი გარდაიცვალა

დილით გავიღვიძე და ვიფიქრე სჯობდა არ გამეღვიძა. ეს ყველგან იყო მაილზე, ფეისბუქზე – ყველგან. სტივ ჯობსი გარდაიცვალა, 56 წლის ასაკში. დღეს აღმოვაჩინე, რომ ჯერ კიდევ შემძლებია ტირილი, რადგან 10 წუთი ვტიროდი.

რაც არ უნდა თქვათ ამ ადამიანის მიერ, რომელმაც თავიდან ბოლომდე ააშენა თავისი კომპანია (Apple) ეს იყო ადამიანი რომელსაც ჰქონდა ხედვა. ეს იყო ადამიანი რომელიც აკეთებდა ახალ პროდუქტს და რომელსაც ჭეშმარიტად ესმოდა ახალი პროდუქტის მიერ მოტანილი ბედნიერების. მას ესმოდა როგორ შეეძლო ერთიანებისა და ნულიანების თანმიმდევრობას მომხმარებლისათვის ბედნიერების მოტანა.

სტივ ჯობსი არ იყო მხოლოდ კარგი მენეჯერი ან დიზაინერი, მას უნივერსტიტეტში მხოლოდ 1 სემესტრი ჰქონდა დამთავრებული, მაგრამ ყოველთვის ყავდა გარშემო პროფესიონალები.

სტივ ჯობში იყო სამაგალითო, ხატი ყველაფერში. მისი სცენაზე გამოსვლა ყოველთვის ოვაციებს იწვევდა, ისიც ყურებამდე გაღიმებული ცოტა ხანს ჩუმად იდგა – შემდეგ კი ლაპარაკს იწყებდა და კიდევ ერთხელ ცვლიდა ყველაფერს.

ზოგჯერ ის თითქმის წავიდოდა სცენიდან, მაგრამ შემდეგ იტყოდა თავის სამარკო ფრაზას: “და კიდევ ერთი რამ” (One More Thing), ჯიბიდან ამოიღებდა ახალ პროდუქტს და შეცვლიდა ყველაფერს.

სტივ ჯობსს არც გასაოცარი ხმა ჰქონდა და არც გარეგნობა, მაგრამ მან ზუსტად იცოდა როდის აეწია ტონი, რაზე გაეკეთებინა აქცენტი ლაპარაკისას და როდის გაჩუმებულიყო.

სტივ ჯობსმა ასწავლა ინდუსტრიას, რომ პროდუქტი არც იწყება და მთავრდება კომპანიის ოფისში, მან ასწავლა ინდისუტრიას, რომ პროდუქტი იწყება მასთან ერთად სცენაზე, გრძელდება მაღაზიაში და მთავრდება მომხმარებლის სახლში, როდესაც ის ყუთს გახსნის. ალბათ ყველას გინახავთ Unboxing ვიდეობი, ისინი ხომ სტივის გამო შეიქმნა.

სტივს უყვარდა თავისი პროდუქტი, როდესაც მან მეორე აიფედი წარმოადგინა ის ყურიდან ყურამდე იღიმოდა, ბედნიერი იყო რომ კიდევ ერთხელ ცვლიდა ყველაფერს.

ჯობსი გარდაიცვალა 24 საათის შემდეგ რაც ახალმა CEO-მა ტიმ ქუქმა (Tim Cook) ახალი iPhone 4S წარმოადგინა, თუ კი მან იცოდა თუ რა ელოდა სტივს 24 საათის შემდეგ მაშინ გასაგებია მისი ხასიათი პრეზენტაციის დღეს.

Apple-ის პროდუქტებში ყოველთვის იგრძნობოდა სტივის კვალი, მისი ხედვა, მინიმალისტური და ამავდროულად საუკეთესო დიზაინი კონკურენტებში შორის.

ამ დღეებში ძალიან ბევრს ილაპარაკებენ სტივის და Apple-ის მომავლის შესახებ.

ჩემი აზრით, ეფლი მაშინ შეიცვალა, მაშინ დამთავრდა სტივ ჯობსის ერა როდესაც მან CEO-ს თანამდებოდა დატოვა.

სანამ ის თავის პოზიციას დატოვებდა მან თქვა

როდესაცმოვა დრო როცა მე აღარ შემეძლება გავუძღვე კომპანიას, პირველი ვიქნები ვინც ამას იტყვის. სამწუხაროდ ეს დრო მოვიდა.

ყოველი წელი ქვის ხანიდან

ისტორიას მგონი პირველი კლასიდან ასწავლიან ყველა სკოლაში. პროგრამა ყოველთვის უძველესი დროიდან მე-20 საუკუნემდე არის ხოლმე, მაგრამ ვერასდროს ვერ ვეტევით დროში და მე-18-20 საუკუნეები რამდენი წელია უსწავლელი რჩება.

არადა საერთოდ არ მაინტერესებს ქვის ხანა, ქართველი ხალხის წარმომავლობა და ქართული ენის ჩამოყალიბების პროცესი, ბევრად მეტად მაინტერესებს პირველი და მეორე მსოფლიო ომი, რუსეთის იმპერიის დაშლა და ა.შ.

მოკლედ, გვასწავლეთ უახლესი ისტორია -.-

2 კვირა სკოლის დაწყებიდან

უკვე ზუსტად  2 კვირა გავიდა რაც ახალი სასწავლო წელი დაიწყო :ცუდისიტყვები: და უკვე 2 კვირაა ნელ-ნელა ყელში ამომდის სკოლა :ცუდისიტყვები:

მაგრამ დღეს ბოლო წვეთიც იყო, როდესაც ისტორიის წიგნი გადავშალე და ვიფიქრე რა ჩემ ფეხებად ვსწავლობ ამას? ან ქიმიას ან ფიზიკას რატომ ვსწავლობ? ან მათემატიკას ასე ღრმად? ცხოვრებაში როდის დამჭირდება ეს დამპალი ინდუქცია

მაინც ვერ ვიგებ ნორმალურად :/

საატესტატოების შემდეგ ხო აღარ გავიხსნებ არც იონებს არც ოქსიდებს არც ჯოულ-ლენცის კანონს :/

ქართველი რომანტიკოსი მწერლებიც, მუდმივად თვალცრემლიანები, ძველ დროს რომ მისტირიან და აწმყოში ტრაკს არ ანძრევენ რაიმეს შესაცვლელად – ეგენიც. მაგათი პესიმისტური ლექსების კითხვა, მათი ანალიზი წერა და ოგიერთის ზოგიერთი სტროფის უაზროდ დაზეპირებაც შემზიზღდა უკვე. ეს მაღალფარდოვანი ეროვნული მოწოდებებიც, ყველა რომ ამბობს კი კი ასე უნდა იყოს, თავზე ბევრი წასმული ვაზელინით – ეგეც.

ბიოლოგია ასწორებს მარტო. ქართულიც თუ ამ პოეტებს გავსცდებით და რაიმე სხვაზე ვილაპრაკებთ, მაგრამ უიშვიათესი მოვლენაა ეს :/

დღეს პარასკევია ❤

მაგრამ ეს ორი დღეს ისე სწრაფად გაივლის ვერაფერს მოვასწრებ და შევამჩნევ და მერე ისევ თავიდან.

ინგლისურის ახალი მასწავლებელი ყველაზე “მაგარი” ქალია, გული მიგრძნობს ცალკე პოსტი მიეძღვნება მას ცოტა ხანში :ევილ: და უნდა დავტროლო კიდე :დ

არა, შენ არ ტოვებ ფეისბუქს

ძვირფასო სოციალური ქსელის მომხმარებლებო,

ფბ-ს ახალმა ცვლილებებმა, განსაკუთრებით კი თაიმლაინმა ბევრ თქვენგანს გადააწყვეტინა სოციალური ქსელის დატოვება და ანგარიშების გაუქმება რადგანაც ყელში ამოვიდა ამდენი ცვლილება.

რა თქმა უნდა მარკს ჰქონია პრობლემები მომხმარებელთა უკმაყოფილებასთან – თითქმის ყველა მნიშვნელოვანი ცვლილების დრო – მაგრამ ამჯერად, უკვე ზედმეტი მოუვიდათ.

ფბ-ს უკანასკნელი ცვლილებები, თაიმლაინი და ახალი Open Graph ყველაზე რადიკალურია არსებულ ცვლილებათა სიაში. ეს არ არის მხოლოდ ახალი ნიუსფიდის ან თიქერის გამო. ეს ცვლილებები შენს მიერ ოდესმე დაშეარებულ კონტენტს სხვებისთვის უფრო ხელმისაწვდომს ქმნის ვიდრე ოდესმე.

თაიმლაინი ძალიან ლამაზია, ნამდვილად, მაგრამ ის ცოტა უცნაურიცაა. ადამიანებს, რომლებიც დავიმეგობრე წლების განმავლობაში, ახლა აქვთ უმარტივესი გზა ჩემი ადრინდელი პოსტების, ფოტოების, კავშირების ნახვის. როგორც კი თაიმლაინი ყველასთვის ჩაირთვება და ეს სავარაუდოდ 30 სექტემბერს მოხდება შენ მეგობრებს შეეძლებათ თვალი გადაავლონ შენ ციფრულ ცხოვრებას, ვის ხვდებოდი, სად მუშაობდი, ვის უმეგობრდებოდი. მათ ასევე ხელი მიუწვდებათ შენ საეჭვო მუსიკალურ გემოვნებასა და საყვარელ ჟურნალებზე, კინოებსა და გადაცემებზე (ჰმ, პროფილი! მართლა? :O ).

ეს იმდენად არაკომფორტულია, რომ ზოგიერთი თქვენგანი ამბობს, რომ თუკი თაიმლაინის ჩართვა არ იქნება ნებაყოფლობითი – დატოვებს ფბ-ს. ვის სჭირდება ფეისბუქი, როდესაც Google+ არსებობს? თან მას სითივილიც აქვს.

2011 წელს ფბ-ს მიტოვება იგივეა რაც 2008 წელს MySpace-ის. მაგარი, ქული საქმეა გასაკეთებლად (it’s the cool thing to do), მაგრამ განსხვავება იმაშია, რომ შენ არ დატოვებ ფბ-ს, მარკის ქმნილებას. ჯერ არავის დაუტოვებია ის ცვლილებების გამო, გაივლის 1-2 კვირა და შენც აღფრთოვანებული იქნები ამ ცვლილებებით.

Christina Warren [mashable] და ცოტა მე

 

This slideshow requires JavaScript.

Flash Mob შოუ – შთაბეჭდილებები

გუშინ იმედზე ახალი გადაცემა გავიდა, რომელსაც უკვე ერთ კვირაზე მეტია არეკლამებენ მგონი ტვ-ში მაგრამ მათი გვერდი ფბ-ზე ვერ ვნახე, პოსტერი მაინც რომ დამედო სურათად და არც მათი რეკლამა შემხვედრის სადმე იმედს გარეთ.

ბოლო დროს საქართველოში ძალიან მომრავლდა ფლეშმობები, რომლებიც ძირითადად უბრალოდ ადამიანების მიერ არის ხოლმე ორგანიზებული სოც. ქსელების საშუალებით. მართლა იმდენად მოხშირდა, რომ სადმე თუ რამე უცნაური შეამჩნიე ეგრევე ხედავ ერთსა და იმავე ხალხს (მართლა ერთი და იგივე ხალხი მონაწილეობს ამ ფლეშმობებში და ორგანიზატორებიც იშვიათადად იცვლებიან) რომელიც რაღაცას აკეთებს და წვავ – კიდევ ერთი ფლეშმობი. ზოგჯერ ისეც ხდება რომ ერთი ფლეშისთვის შეიკრიბებიან და კიდევ რამდენიმეს მოაყოლებენ ხოლმე.

მაგრამ დავუბრუნდეთ ახალ გადაცემას, რომელსაც Flash Mob შოუ ჰქვია. ის პირველად ეთერში გუშინ ღამით გავიდა, არ ვაპირებდი ყურებას, მაგრამ ფბ-ზე ისეთი სტატუსები იდებოდა დღეს თუ არა ხვალ მაინც ვნახავ მეთქი ვიფიქრე.

ტვ-ს ვებგვერდზე შოუ ასე არის აღწერილი

ნოვაცია ქართულ სატელევიზიო სივრცეში. “იმედი” ახალ პროექტს იწყებს. 24 სექტემბრიდან ყველაზე ენერგიულები, ყოველ შაბათს, ზუსტად 23 საათზე “იმედის” სტუდიაში შეიკრიბებიან და ყველაფერს გააკეთებენ იმისთვის, რომ მათი უცნაური საქციელით მაყურებელი გააოცონ.

ყოველ კვირას 4 უნივერსიტიტეტის სტუდენტები მოდიან იმედში, დგამენ ფლეშმობს და ბედნიერები არიან იმით, რომ კრეატიულობა გამოიჩინეს.

მაგრამ სანამ მონაწილეებზე გადავად გადაცემის წამყვანებს შევეხები ოდნავ.

Read more of this post

ნუ გეშინია ცვლილებების!

ცვლილებები ყოველთვის ხდებოდა, ხდება და იმედია მოხდება… (c) ალბათ იტყოდა ამას ვინმე 😀

მოკლედ ვერ მოვიფიქრე როგორ დამეწყო და პირდაპირ ვიტყვი სათქმელს.

რატომ ეშინია ხალხს ცვლილებების?

თან ისეთების რომლებიც მათ ცხოვრებაზე უმნიშვნელოვანეს გავლენას არ ახდენენ? ნუ ფბ ჩვენი ცხოვრების მნიშვნელოვანი ნაწილი კი არის მაგრამ მაინც.

ცვლილება ხშირ შემთხვევაში უკეთესისკენ სწრაფვას, გაუმჯობესებასა და გამარტივებას ითვალისწინებს.

კაინოტოფობია  – ეს არის სიახლის, ცვლილების შიში.

ზემოთხსენებული ფობია მგონი ფბ-ს ქართველ მომხმარებელთა 90 პროცენტს აქვს, მაშინ როდესაც მთელი მსოფლიო გულის ფანცქალით ელოდა f8-ს რათა გაეგო რას უპირებდა მარკი პროფილებს, აპლიკაციებს და ა.შ. ფბ-ზე შემდეგნაირი სტატუსები მრავლობდა:

აღარ მინდა დიზაინის შეცვლა.

ტვინი წაიღო უკვე ცუკერბერგმა.

დააბრუნეთ ძველი ფეისბუქი და ა.შ.

მაგრამ პროფილის ახალი დიზაინი არ არის ცუდი, მეტიც ის ძალიან კარგია და ძალიან მომწონს. ეს არის პროფილი, მოფიქრებული თავიდან – არანაირი გადმონაშთები უკანასკნელი წლების დიზაინებიდან. ყველაფერი ახალი.

ბევრი თქვენგანი ალბათ ფიქრობს აუ, ახლა ამას რა შეეჩვევა? ვერაფერი ვერ გავუგე :/ აქ რა ხდება? ფეიჯიც კი შეიქმნა ზუქერბერგმა უკვე ძაან ტვინი მოტ*ნა და ა.შ. მაგრამ დამიჯერეთ, როდესაც 30 სექტემბერს ყველასთან ახალი პროფილი, უკაცრავად თაიმლაინი ჩაირთვება მიხვდებით, რომ ტყუილად წუწუნებდით.

ცვლილება არის კარგი, ბედნიერების მომტანი. ახლა შეგიძლიათ იხილოთ მთელი თქვენი აქტივობა, ყველა სტატუსი და ფოტო თქვენს პირველ დღემდე ფეისბუქზე, მეტიც თქვენ დაბადებამდე. დღეს ჩავათვალიერე და ისე მესიამოვნა ძველი სტატუსებისა და ვოლპოსტების ნახვა რო აწწ ❤

მოკლედ, ნუ გეშინიათ ცვლილებების, სანამ თქვენ მათ იხილავთ მათ ჩემნაირი (earlyadopterდარამე) ხალხი ტესტავს.

ახლა თაიმლაინი developer-preview-ში არის ხელმისაწვდომი მხოლოდ, თუ გინდა დღესვე გააქტიურო, იხილე გიორგის პოსტი.

ესეც ჩემი განახლებული თაიმლაინი

კიდევ ერთხელ მარკ?

ყოველთვის ვამბობდი და ვამბობ, რომ ფეისბუქი იმიტომ არ კარგავს პოპულარობას რომ მუდმივად იცვლება და ვითარდება – იმატებს ახალი ფუნქციებს, ამარტივებს რაღაცეებს, აუმჯობესებს და ა.შ. მას შემდეგ რაც მარკს ახალი კონკურენტი გამოუჩნდა ლარისა და სერგეის სახით ცვლილებებმა უფრო ხშირი ხასიათი მიიღეს და ამ ორი უკანასკნელის ყოველ ახალ ფუნქციას მარკი თავისით პასუხობს. ჰოოდა ბევრს არ ვილაპარაკებ და ბოლო ცვლილება ყველაზე ისეთი იყო შესამჩნევი, ისეთი რომ ყველას ეწერა სტატუსი.

დღევანდელი ცვლილებები და რეაქციები.

This slideshow requires JavaScript.

რამდენიმე დღეში პროფილის მთლიან რედიზაინს გვპირდებიან, პირდაპირ f8 კონფერენციიდან რომელიც ხუთშაბათს გაიხსნება.

მანამდე კი გირჩევთ შეეგუოთ ახალ დიზანს, მიუხედავად იმისა რომ ჯერ კიდევ შესაძლებელია ძველის დაბრუნებ. ხო ცოტა ხანს წუწუნებს ხოლმე ფეისბუქი ცვლილებებზე მაგრამ შემდეგ კიდევ ახლები მოდის და ის ახალი “ძველი” გვინდა ისევ. ახალი ძველი.. ნუ მგონი მიხვდი 😀

რა გვასწავლა გუშინდელმა ღამემ?

ყველა გოგოს საყურადღებოდ! ერთი წლის წინ თითქმის ყველა გერმანელ გოგონას სტატუსად ერთ–ერთი ფერი ეწერა. ყველას, განსაკუთრებით კი ბიჭებს აინტერესებდათ, რატომ წერდა ყველა გოგო სტატუსად მაგ: „შავი“ ან „წითელი“. ეს ყველაფერი იქამდე გაგრძელდა, სანამ ამაზე ტელევიზიაში არ გაკეტდა რეპორტაჟი. საქმე კი იმაშია, რომ ყველა გოგოს უნდა დაეწერა თავის კედელზე ის ფერი, რა ფერის ლიფიც აცვია. ჩვენც დავპოსტოთ ფერები…

ეს არის ის შეტყობინება, რომლის გამოც გუშინ მთელი ნიუს ფიდი ვერბალურად აჭრელდა და რომელმაც უამრავი კითხვა გამოიწვია. როდესაც პირველი სტატუსი ვნახე ყურადღება არ მივაქციე, მეორე და მესამე – ახლა დავსკრინავ და კედელზე დავუდებ იმ სამ კაცს, მაგრამ 1 წუთში მთელი კედელი სხვადასხვა ფრით იყო სავსე, თანაც რომ დავაკვირდი მხოლოდ გოგოები წერდნენ, 3 გოგოს მივწერე თუ 4-ს სამივემ არ გეტყვიო, მაგრამ ბოლოს ერთ-ერთმა მთლიანად ეს წერილი დამიკოპირა.

მაშ ასე, რა გვასწავლა გუშინდელმა ღამემ?

  • ყველაზე პოპულარული ფერებია: შავი, თეთრი და ვარდისფერი
  • საღამოობით ძუძუებს თავისუფლება ენიჭებათ
  • მიუხედავად წინასწარ შეთანხმებისა არ გათქმის შესახებ, 10 წუთში ყველამ ყველაფერი იცოდი, არადა კარგი გამოვიდოდა რომ არ გაბაზრებულიყო ეგრევე.
სკრინებისთვის მადლობა ადოს

მზიურს არ უნდა

მზიურის შესასვლელში და შიგნით პარკშიც უკვე რამდენიმე კვირაა მბრწყინავი პლაკატები ჰკიდია, რომლებზეც ახალი “მზიური” არის გამოსახული, 2 აუზით, აკვა-პარკით და ფიტნეს კლუბით.

მზიურის რეაბილიტაციას, მოწესრიგებას არავინ ეწინააღმდეგება, თანაც უკვე 1-2 თვეა დიდი ნაწილი საერთოდ აღარ არის განათებული მაგრამ მზიური თბილისში იმ რამდენიმე ადგილთაგან ერთერთია სადაც შეიძლება თავისუფლად დაჯდომა, ლაპარაკი და ა.შ.

კარგი იქნება თუ მზიურში განათებას მაინც გააკეთებენ მაგრამ მზიურს არ სჭირდება აკვა-პარკი, აუზები და ა.შ. – ჩემი აზრით ის მას “რიყის პარკს” მიამსგავსებს სადაც საქანელაზე დაჯდომას დაცვა კრძალავს და თუ გინდა რომ დიდი რაოდენობით ხალხი მიხვიდეთ ისევ ამ დაცვას უნდა შეუთანხმდე (ჩახუტების დღეზე გვითხრა მსგავსი რამ ერთ-ერთმა).

მოკლედ, ბევრი წერის არც ტექსტი მაქ არც დრო – უბრალოდ მზიურს არ უნდა ბევრი სიახლე – შესაბამისად ბევრი დაცვა და შესაბამისად ნაკლები თავისუფლება. ასეთ მზიურს ახლანდელი, თუნდაც ჩაბნელებული მზიური მირჩევნია, სადაც ღამით გზას ტელეფონით ინათებ.

გვერდი ფბ-ზე:  მზიური Aquapark-ის გარეშე

%d bloggers like this: