Flash Mob შოუ – შთაბეჭდილებები

გუშინ იმედზე ახალი გადაცემა გავიდა, რომელსაც უკვე ერთ კვირაზე მეტია არეკლამებენ მგონი ტვ-ში მაგრამ მათი გვერდი ფბ-ზე ვერ ვნახე, პოსტერი მაინც რომ დამედო სურათად და არც მათი რეკლამა შემხვედრის სადმე იმედს გარეთ.

ბოლო დროს საქართველოში ძალიან მომრავლდა ფლეშმობები, რომლებიც ძირითადად უბრალოდ ადამიანების მიერ არის ხოლმე ორგანიზებული სოც. ქსელების საშუალებით. მართლა იმდენად მოხშირდა, რომ სადმე თუ რამე უცნაური შეამჩნიე ეგრევე ხედავ ერთსა და იმავე ხალხს (მართლა ერთი და იგივე ხალხი მონაწილეობს ამ ფლეშმობებში და ორგანიზატორებიც იშვიათადად იცვლებიან) რომელიც რაღაცას აკეთებს და წვავ – კიდევ ერთი ფლეშმობი. ზოგჯერ ისეც ხდება რომ ერთი ფლეშისთვის შეიკრიბებიან და კიდევ რამდენიმეს მოაყოლებენ ხოლმე.

მაგრამ დავუბრუნდეთ ახალ გადაცემას, რომელსაც Flash Mob შოუ ჰქვია. ის პირველად ეთერში გუშინ ღამით გავიდა, არ ვაპირებდი ყურებას, მაგრამ ფბ-ზე ისეთი სტატუსები იდებოდა დღეს თუ არა ხვალ მაინც ვნახავ მეთქი ვიფიქრე.

ტვ-ს ვებგვერდზე შოუ ასე არის აღწერილი

ნოვაცია ქართულ სატელევიზიო სივრცეში. “იმედი” ახალ პროექტს იწყებს. 24 სექტემბრიდან ყველაზე ენერგიულები, ყოველ შაბათს, ზუსტად 23 საათზე “იმედის” სტუდიაში შეიკრიბებიან და ყველაფერს გააკეთებენ იმისთვის, რომ მათი უცნაური საქციელით მაყურებელი გააოცონ.

ყოველ კვირას 4 უნივერსიტიტეტის სტუდენტები მოდიან იმედში, დგამენ ფლეშმობს და ბედნიერები არიან იმით, რომ კრეატიულობა გამოიჩინეს.

მაგრამ სანამ მონაწილეებზე გადავად გადაცემის წამყვანებს შევეხები ოდნავ.

Read more of this post

ყვითელი… მარშრუტკები

ალბათ ყველამ იცით თბილისის მერიის ახალი იდეის შესახებ – დიდი, კომფორტული, კონდიციონერიანი და ყვითელი მარშრუტკები, უკაცრავად მიკროავტობუსები – პატარა, დაბალი, არაკომფორტული, მხოლოდ ფანჯრებიანი, სუნიანი და სხვადასხვა ფრის მარშრუტკების სანაცვლოდ.

იდეა კარგია, მითუმეტეს, რომ ბოლო დღეებში მომიწია მარშრუტკებით მგზავრობა (ისე თავს ვიკავებ ხოლმე, ავტობუსი რულზ) და მართლაც ჩახუთულობაა, ჭერი კი იმდენად დაბალი, რომ 2-ად ან 3-მად უნდა გადაიკეცო სასურველ ადგილამდე მისაღწევად.

რატომაც არა? ახალი, გრილი მიკროავტობუსი, სავარძლებს შორის ფეხების ნორმალურად დასადებად საკმარისი მანძილით – მშვენიერია.

მაგრამ ყველაფერი არც ისე კარგადაა, როგორც პირველი შეხედვით ჩანს, ფასი გაიზარდა – ახლა უკვე 80 თეთრი – გრილ და ფართო მარშრუტკაში, უკაცრავად მიკროავტობუსში სამგზავროდ.

ხალხის რეაქცია კვლავაც დიდი იყო, ყველა აპროტესტებს, ლანძღავს მერს, მერიას, ამბობს რომ არ ჩაჯდება ასეთ ძვირ მარშრუტკაში, თუნდაც პრინციპის გამო – ყველაფერი ეს მაქსიმუმ 1-2 კვირას გრძელდება, შემდეგ კი ეჩვევა და ჯდება იმ მარშრუტკაში, იხდის 80 თეთრს ბედნიერი სიგრილით. იგივე იყო დენის ახალ ტარიფზე.

პროტესტის გრძნობა, რომელიც საქართველოს მოქალაქეს იმწამსვე უჩნდება მალევე კვდება, იტკეპნება და იძირება – ჩემი აზრით, ჩემი მოკრძალებული აზრით საზოგადოებამ დაკარგა პროტესტის გამოხატვის შესაძლებლობა.

ასე თუ ისე დღეიდან თუ გუშინდელიდან უკვე ყველა მარშრუტკა 80 თეთრი ღირს (კონდიციონერიანიც და არა კონდიციონერიანიც).

ახალ მიკროავტობუსებში ავტობუსის-მაგვარი აპარატებია დაყენებული სადაც ბარათით არის შესაძლებელი ბილეთის აღება, როგორც თქვეს მოსწავლის და სტუნდეტური ბარათები არ მუშაობს.

იმასაც ამბობენ, რომა ავტობუსებს ან გააუქმებენ ან მარშრუტებს შეუკვეცავენო და მერე რა ვქნა მე ფეხით ვიარო თუ ყოველდღე 1.60 გამოვიყო მგზავრობისთვის? :bullshit:

3 საათი ცარიელ ქალაქში. კნუტთან ერთად

სიღნაღში, პოკერ რინგის ჩაწერაზე დილამდე უნდა დავრჩენილიყავით, აFთერ ფართიზე, მაგრამ თამაში იმდენ ხანს გაგრძელდა და სტუმრები ისე დათვრნენ, რომ აFთერ ფართი გაუქმდა და ხმათა უმრავლესობით ბლოგერები თბილისში გამოვბრუნდით.

დილის 4-ის ნახევარზე უკვე შემოვედით ქალაქში, მიკრო ავტობუსი ნელ-ნელა ცარიელდებოდა, ბოლოს, როდესაც პეკინზე გამოვედით 4-ნი დავრჩით – მე, კნუტი, სვითი და პაპუნა. კნუტი რუსთავში ცხოვრობს და ჩემთან ერთად ჩამოვიდა, რათა სპორტის სასახლიდან მარშრუტკას გაყოლოდა, მაგრამ დილის 4 საათზე რა მარშრუტკა უნდა ყოფილიყო, თან ჩემებმა იცოდნენ, რომ დილით უნდა ჩამოვსულიყავი, თან 4 საათზე გასაღვიძებლად შემეცოდნენ და გადავწყვიტეთ ცოტა გაგვესეირნა.

Read more of this post

სამსახური რომ მქონდეს…

დაფიქრდი, პირადად შენ რამდენჯერ გიოცნებია გქონოდა სამსახური?

ყოველთვის როდესაც სადღაც მივდივარ, რა თქმა უნდა მჭირდება ფული, რომლის ჩემი პირადი წყაროც არ მაქვს, შესაბამისად უნდა ვთხოვო მშობლებს, ყველაზე მეტად კი ეს პროცესი მძულს, ვერ ვიტან მშობლებისთვის ფულის გამორთმევას, ამიტომაც ვცდილობ ჩემი ისევ ჩემი “მარაგების” გამოყენებას, მაგრამ ისინიც ილევა და გზა ფულამდე კვლავ მშობელზე გადის.

რამდენჯერ მიოცნებია მქონოდა სამსახური, part-time სამსახური, ხშირად შორსაც წავსულვარ ოცნებებში, მაგრამ გამხსენებია, რომ ყველაფერი მხოლოდ ჩემი ფანტაზიის ნაყოფია და უკან ვბრუნდებოდი.

15 წლის ადამიანისთვის სამსახურის მოძებნა შესაძლებელია, მაგრამ საკმაოდ ძნელია. საქმე იმაშია, რომ არ არსებობს ნახევარდღიანი სამუშაო, ისე რომ იმუშაო არა 9 ან 12 საათი, არამედ 4-5.

მაკდონალდსში მუშაობა ალბათ არ ღირს, თვეში 300-400 ლარი და არანორმალური სამუშაო გრაფიკი, ხელფასი ნორმალურია, მაგრამ გაწეული შრომის სანაცვლოდ მიზერული, თანაც 18 წლამდე არ ღებულობენ სამუშაოდ. წელს ვნახე კარგი ადგილი, ტექნიკის მაღაზია ვაკეში, არდადეგებზე უნდა დამეწყო მუშაობა, მაგრამ აქაც 12 საათიანი სამუშაო დღეა 9-დან 9-მდე, მაგრამ კარგი იხდიან. უბრალოდ ქალაქში მუდმივად ყოფნა და მოცლილობა არ გამომივიდა, თორემ სიამოვნებით. აა ხო ტექნიკაში უნდა ერკვეოდეთ, ისე არა.

რამდენ რამეს ვიზამდი სამსახური და ნუ თავისთავად ხელფასი რომ მქონოდა, პირველ რიგში ალბათ Kindle-ს ვიყიდი (ქინდლი ელ. წიგნების წამკითხავია, რიდერი) და წავიკითხავდი ყველფერს რისი წაკითხვაც მინდა.

ახლა არ მახსენდება კიდევ რას შევიძენდი სამსახურის ქონის შემთხვევაში, მაგრამ საბოლოოდ ამოიძირკვებოდა ჩემს მიერ ასე ძლიერ შეძულებული მშობლებისთვის ფულის გამორთმევის შემთხვევები.

that’all!

ნაგავი=0.05დენი=რატომ?

რამდენინე დღეა რაც ყველა თბილისი მერიის ახალ ინიციატივაზე, კერძოდ კი დასუფთავების გადასახადის ახალ ტარიფზე ალარაპარაკდა, რომლის მიხედვითაც დასუფთავების გადასახადს დაჯარხული ელექტროენერგიის მიხედვით გადავიხდით, 1 კილოვატზე 5 თეთრი. ამ ინიციატივას თავიდანვე უფრო მეტი მოწინააღმდეგე გამოუჩნდა ვიდრე მომხრე, ალბათ ჩემი განსახილველი არ არის რამდენად მართებული ეს რეფორმა, რა სარგებელს მოუტანს ქალაქს და ა.შ., მაგრამ ვერ ვხვდები ერთ რამეს – რა კავშირშია დენი და ნაგავი ერთმანეთთან? რაში მდგომარეობს მათი ურთიერთდამოკიდებულება?

თბილისის მერი ამ სახის გადაწყვეტილებას სოციალურად ყველაზე მართებულს უწოდებს დაანგარიშების სხვა მეთოდებთან შედარებით (ფართობის მიხედვით, სულადობით).

ასევე ამ რეფორმის საჭიროებას იმით ხსნიან, რომ ხალხი რომელსაც სახლი ჩაკეტილი აქვს და იქ არ ცხოვრობს განთავისუფლდება დასუფთავების მოსაკრებლისგან, მაგრამ განა რამდენია ასეთი ადამიანი?

ჩემი აზრით, თუ ადამიანი ხანგძლივი პერიოდის განმავლობაში არ ბინადრობს რაიმე ადგილას, შესაძლებელი უნდა იყოს განცხადების შეტანა და ამ ადამიანის გადასახადისგან განთავისუფლება და არა 10%-ის სასარგებლოდ 90%-ის “დაჩაგვრა”.

ჩემი აზრით, ქილიფა მართალია, რომ ამ რეფორმისთვის დრო ძალიან სწორად იყო შერჩეული, ზაფხული იქნება ერთგვარი მიმზიდველი პერიოდი ასეთი ტარიფისთვის რადგანაც მართლაც ნაკლები ელექტროენერგია იხარჯება, მაგრამ ზამთარში…

მაგრამ შემდეგ გამოვა ვინმე ღვთისნიერი კაცი და შეგვახსენებს, რომ ზაფხულში ძალიან ცოტას ვიხდით და რაღა გვინდა საერთოდ?

ჩაცხრება პროტესტიც, უკმაყოფილებაც და დახარჯული ელექტროენერგიის მიხედვით ნაგვის გადასახადის დაანგარიშება ჩვეულებრივ ამბად იქცევა.

შემოიგვიერთდით ფეისბუქის გვერდზე:

შუქი ჩააქრეთ! ნაგავს წერს

 

 

 

ტალახის წვიმა თბილისში

თუ კი თქვენ მხოლოდ ახლა გაიღვიძეთ ან უბრალოდ ჯერ არ                 გაგიხედიათ გარეთ, მოგახსენებთ რომ დღეს დილით თბილისში         ტალახნარევი წვიმა მოვიდა…

9 საათზე გამაღვიძეს (>.<), ჯერ ჩემმა დამ და შემდეგ                              ტელეფონის ზარმა, ორივე იუწყებოდა, რომ დღეს არსად არ                  მივდიოდი… ამას ჩემი უკმაყოფილება და ძილი მოჰყვა…

მიუხედავად იმისა, რომ ახლა ტალახით აღარ წვიმს, გარეთ თუ            გაიხედებით ნახავთ, რომ ყველა მანქანა მოყავისფროა…

ამ სახის “უჩვეულო” მოვლენამ საზოგადოებაში უმალვე გამოიწვია კითხვები:

ეს რადიოაქტიული წვიმა ხომ არაა?

ვაიმე რაღა გვეშველება?

და არა მხოლოდ კითხვები არამედ მოწოდებებიც:

გარეთ არ გახვიდეთ არავინ!!

თუმცა “კურიერმა” ოპერატიულად მოიპოვა ინფორმაცია უჩვეულო წვიმის შესახებ და დააწყნარა ზემოთხსენებული, პანიკაში ჩავარდნილი და უკვე საერთოსამხედრო დამცავ კომპლექტებში გამოწყობილი საზოგადოება. თუ არ იცი რა არის საერთოსამხედრო დამცავი კომპლექტი, იხილე ეს ან თუ არ იცი რუსული ეს.

აღმოჩნდა, რომ ნაწვიმარი ტალახი უბრალოდ აფრიკიდან რაღაც ციკლონის მიერ მოტანილი ქვიშაა… ამას რომ ვისმენდი მაღაზიაში ვიყავი (დაალაიქეთ რადგან არ შევუშინდი რადიაციას) და თვითონ იმ ფაქტმა გამოიწვია ჩემში გაოცება, რომ ამ ქვიშამ აფრიკის უდაბნოდან თბილისამდე ამხელა მანძილი დაფარა.

მაგრამ ყველაფერი დამთავრდა უკვე, წვიმაც და ტალახიც, გარეთ მშვენიერი ამინდია, თბილა, უბერავს სუსტი ქარი, მოკლედ მშვენიერი დღეა მეგობრებთან სადმე გასასვლელად მითუმეტეს თუ ჩემსავით სკოლაში არ წახვედით.


პირველად Dilato Fitness Club-ში

მას შემდეგ რაც ჩემმა ორმა კლასელმა ზემოთხსენებულ კლუბში სიარული დაიწყო და მეც შევატყვე ჩემ თავს “ფორმაში არ ყოფნა” გადავწყვიტე მეც დამეწყო ვარჯიში.

აბონიმენტის ასაღებად კვირას მივედი, დარბაზე ეგრევე მომეწონა… ადმინისტრატორი გოგოც ❤ ნუ დარბაზში არც შევსულვარ ისე გარედან შევხედე და იმ გოგოს ველაპარაკებოდი…

ჩემი თავის მიკვირს, რომ ასე მარტივად მოვაბი თავი…

მოკლედ დღეს პირველად ვიყავი სავარჯიშოდ, თუ არ ჩავთვლით იმას, რომ მხოლოდ გუშინ ღამის დაახლოებით 12 საათზე გამახსენდა, რომ ჩასალაგებელი მქონდა სავარჯიშოდ რაღაცეები, ყველაფერმა კარგად ჩაიარა.

კარგი “ტრენაჟორები” დგას, რამდენიმე წუთის განმავლობაში ვფიქრობდი “ტრენაჟორის” ქართულ ვარიანტზე და სავარჯიშო დანადგარის მეტი არაფერი მომაგონდა, ასე რომ ისევ ტრენაჟორი იყოს.

მასიური ტრენაჟორებია, რაც კარგია, რადგანაც რაც არ უნდა ირბინო და აქეთ-იქით იხტუნავო ის მაინც მყარად დგას და თავს უფრო კომფორტულად გრძნობ, ვარჯიშის დროს ასევე შეგიძლია უყურო ტელევიზორს (დაახლოებით 40 არხია), ყველაზე მეტად გამოვარჩევ Comedy TV-ის, რომელზეც რუსული Comedy Club-ის გადაცემები და მათი ნაწილები ტრიალებს სულ… თან მირბიხარ და თან ერთობი ან უყურებ რამეს.

ტელევიზორი მხოლოდ სარბენ/სატრიალო და მსგავს ტრენაჟორებზეა.

კიდევ დაახლოებით 8 ტრენაჟორია სხვადასხვა: პრესის, ფეხების, ფეხების სხვა ნაწილის, ხელების, მხრების, ზურგის, მკლავების და ა.შ.

გასახდელი საკმაოდ კარგია, მაგრამ როგორც ყოველთვის სივიწროვეა მაგრამ მაინც მოსახერხებელია ანუ დასაჯდომი ადგილი არის.

შხაპიც კარგია, ოთხი მოზრდილი კაბინაა

და რაც ყველაზე მეტად მომეწონა საუნა 

მგონი 7-8 წუთით შევედით და მთლიანად სველები გამოვედით უკან, ძალიან ცხელოდა, თან ქვებს წყალიც დავასხით და შესუნთქვისას ცხვირი მეწვოდა… ასე ძალიან მგონი არასოდეს არ გავოფლიანებულვარ.

რომელიღაც ბლოგერი მართალი იყო, რომ “დილატოში” “ჯეო მოდელსის” მოდელები ვარჯიშობენ, მგონი იყო რამდენიმე, ნუ გოგოები იყვნენ ყოველშემთხვევაში, მწვრთნელი კი მაგათ ეჩალიჩებოდა 😀

მთლიანობაში კარგი კლუბია, კარგი ტრენაჟორებით და ატმოსფეროთი. კარგად ივარჯიშებ და თან გაერთობი.

P.S. პირსახოცები თავისი აქვს, რაც მნიშვნელოვნად ამცირებს ჩანთის მოცულობას, სკოლის მერე დავდივარ ხოლმე მე.

კლუბის ფეისბუქის გვერდი: Dilato Fitness Club

ხინკალი, ლუდი, ბოულინგი და არაყი. (დღეს)

ორშაბათიდან გადაწყვეტილი გვქონდა დღეს, შაბათს “ხინკლის სახლში” წასვლა, უბრალოდ ხინკლის საჭმელად. თავდაპირველად ოთხნი მივდიოდით, მაგრამ ბოლოს შვიდნი წავედით.

ხინკლის სახლი & ლუდი


რადგანაც მარტო ხინკლის საჭმელად მივდიოდით ამ ადგილზე შევაჩერეთ არჩევანი (მგონი სწორად დავწერე). როდესაც მივედით ქვედა დარბაზი პატარა ბავშვებით იყო სავსე, აშკარად რეგიონიდან იყვნენ ჩამოსულები, რადგანაც 130 კაცი იყო და ყველა ერთად წავიდა.

შეკვეთა საკმაოდ სწრაფად მოიტანეს, მაგრამ გაფრთხილება დაგვავიწყდა და სასმელი საჭმელზე ადრე მოიტანეს, როგორც ყოველთვის. “ლოვენბრაუს” ნაცვლად შემთხვევით “ყაზბეგი” შევუკვეთეთ, მაგრამ ჩემდა გასაკვირად საკმაოდ კარგი იყო და მესიამოვნა. ხინკალი კარგი იყო, ძალიან კარგი არა, კარგი.

მიუხედავად იმისა, რომ ბოლოს მარტო ლუდს ვსვამდი, ვერაფერი ვიგრძენი :/

ბოულინგი & არაყი

შემდეგ გენიალური იდეა დამებადა, მინდოდა წავსულიყავით “თბილისი ცენტრალში” და გვეთამაშა ბოულინგი.

თბილისი ცენტრალში კვლავაც შემორჩენილია TBC Game-ის მინიშნება, არვიცი რატომ, ალბათ დაავიწყდათ ან დაეზარათ მოცილება.

მიუხედავად იმისა, რომ ორჯერ ვიკითხეთ და რუკასაც შევხედეთ ორჯერ დავარტყით წრე და ძლივს ვიპოვეთ ბოულინგი. გაუძვირებიათ, ერთი საათი 22 ლარი და გეიმების მიხედვით აღარ “აქირავებენ”, თანაც ყველა “დაროჟკა” დაკავებული იყო და მხოლოდ ახლა, 8 საათზე განთავისუფლდებოდა. იქვე არის საბილიარდო, მაგრამ მხოლოდ სნუკერის მაგიდები იყო თავისუფალი და სნუკერის თამაში ჩვენ არ ვიცით, ასე რომ იქვე, საბილიარდოში მდებარე კაფეში მოვკალათდით და შეკვეთა გავაკეთეთ.

ყველაფერი უნამუსოდ ძვირია, 200 მლ-იანი კოლა 2.50 ღირს, 50 მგ არაყი “ფინლანდია” 4-5 ლარი, მაგრამ ფული დარჩენილი გვქონდა და გადავიწყვიტეთ ბოლომდე დაგვეხარჯა. 4 კოლა და 5 არაყი (250 მგ, სტოპარიკი) 46 ლარი დაგვიჯდა მგონი, ვინამუსეთ და ხურდა არ დავუტოვეთ 😀

ხო იქვე “ფოტობუზში” შევედით, ღადაობა სურათები გამოვიდა, მაგრამ უმეტესობაში ძალიან ჩაბნელებული სახე მაქ, მაგრამ მაინც ასწორებს 😀

კარგი არაყი იყო, მის მერე პირველად გასინჯული “გომი” ძალიან ბანძია, გომმა ისე ჩამწვა, რომ მთელი კუჭი შევიცანი ეს კი კარგად ჩავიდა, თან გემოც უკეთესი ჰქონდა.

ბოლო დღეებში foursquareის აქტიური მომხმარებელი გავხდი და ასწორებს კიდევაც, ეს ერთგვარ თამაშს ჰგავს.

ბევრი სურათი გადავიღეთ, მაგრამ ფოტოაპარატის მფლობელი ახლა ბალეტზეა, შემდეგ კი ბარსა რეალის საყურებლად მიდის, ასე რომ ხვალამდე ალბათ ვერ ვიხილავ.


საჩემო ამინდი და დღე…

მარტი დაიწყო და დაიწყო წვიმები ❤ ახლა მთელი მარტი უნდა იწვიმოს, იწვიმოს, იწვიმოს და კიდევ იწვიმოს ❤ დღეს მშვენიერი დღეა სახლში დასარჩენად, ჩაის დასალევად, ტელევიზორის საყურებლად (ნუ Top Gear-ის) ან წიგნის წასაკითხად.

გუშინ საღამოს კინოში წასვლა გადავწყვიტე და ამიტომაც დღეს დილით ადრე ავდექი, საათის 10-ზე. ვიფიქრე, რომ ადრე დავიწყებდი მეცადინეობას, ადრე მოვრჩებოდი და სახლიდან გავარდნა არ მომიწევდა, მაგრამ სახლიდან ორჯერ გასვლამ და საუზმობამ მეცადინეობა მხოლოდ 2 საათზე დამაწყებინა. დიდი არაფერი… “ვეფხისტყაოსნის” 2 თავი მინდოდა დამეწერა და დავწერე კიდევაც… ვამაყობ ჩემი თავით… ორი საშუალო თავი 2 საათზე ნაკლებ დროში დავწერე… კინო 6-ზე იწყება, ბილეთები დაჯავშნულია და ამიტომაც 5 საათზე იქ უნდა ვიყო… ისევ მომიწევს სახლიდან სირბილით გასვლა, რადგანაც დროს აშკარად ვერ მოვზომავ… ხო “მეტი ვიდრე სექსზე” მივდივარ… ხო მეც ვიფიქრე, რატომ მივდივარ? ამაზე შემომთავაზეს და მაგიტო… დღეს მგონი პრემიერაა და რევიუსაც დავწერ საღამოს.

დღეები ისევ ამერია… დღეს შაბათი მგონია…

ახალი გადაწყვეტილება მივიღე… დასვენების დღეებში და შაბათ-კვირას ძალიან გვიან არ უნდა ავდგე, რადგანაც შემდგომ მთელი დღე მეკარგება, ვერაფერს ვერ ვასწრებ და ღამეც მალე მოდის… დღეს კი რაღაც კარგად გაიწელა დღე…

როგორ მეზარება ახლა სახლიდან გასვლა… თან გარეთ წვიმს ან წინწკლავს, ცივა, ქარი უბერავს… ჩაი მინდა… შევევდები 8 საათამდე სახლში ვიყო, რომ Top Gear-საც მივუსწრო…

წავედი მე მოვემზადე და ამ კარგ სიმღერას გიტოვებთ. ეს ის არაა რაც თავიდან გეგონებათ. Glee-ის დარემიქსებულია. ასწორებს.

ძლივს კარგი ამინდია თბილისში

ზამთრის მეორე თვეა უკვე და თოვლი ჯერ არ უნახავს თბილისს, თბილისს კი არა გუდაურსა და ბაკურიანსაც მგონი.

ჯანდაბას, არ თოვს, მაგრამ წვიმა მაინც წამოვიდეს, არც ერთი ღრუბელი არ ჩანდა ცაზე ბოლო თვის განმავლობაში ან თუ ჩანდა მალევე ტოვებდა მას [ტრანზიტული ღრუბლები].

ისე ანათებდა მზე ზამთრის კი არა ზაფხულის მეორე თვე გეგონებოდა, ცა კი საღამოობით აგვისტოს ზღვისპირეთს მოგაგონებდა.

დღეს დილით კი როგორც იქნა მოიღრუბლა და ახლაც მოღრუბლულია. იმედია, დიდი ხნით გაჩერდებიან ღრუბლები თბილისის თავზე.

განა მზის საწინააღმდეგო მაქ რამე? არა, მაგრამ მზე ვიცი მე ზაფხულში ან გაზაფხულზე [ქალის კუხნაშის ვარიანია :p]

Yahoo! Weather-ი უკვე რამდენიმე კვირაა რაც წვიმასა და თოვლს გვპირდება, მაგრამ ცდება და ცდება. იმედია უახლოეს მომავალში გვ[მე]ღირსება თოვლი ან წვიმა მაინც.

და შენ რომელი გირჩევნია?

%d bloggers like this: