კონკურსები ფბ-ზე და სპამი

ყველაფერი იმით დაიწყო, რომ თი-ბი-სი ბანკმა გაიგო, რომ თურმე ფეისბუქზე კონკურსების ჩატარება შეიძლება, რომ უამრავ ამერიკულ კომპანიას აქვს ამის გამოცდილება და თავადაც გადაწყვიტა ასეთი კონკურსის ჩატარება, ყველაფერი სწორედ მაშინ დაიწყო, 2010 წლის მიწურულს.

მას შემდეგ უმრავმა კონკურსმა ჩავლო, თავიდან ყველაფერი ძალიან კარგად იყო, ვაუ აზრზე ხარ თი-ბი-სი iPad-ს ათამაშებს, iPod-საც და iPhone 4-საც. აუ რა მაგარია… დამილაიქე რა…

მაგრამ პირველ კონკურსს მეორე მოჰყვა, მეორეს მესამე და ა.შ.

შემდეგ ამ შეჯიბრებაში საქართველოს ბანკიც ჩაერთო დაახლოებით ამავე სახის კონკურსებით, შემდეგ კი ყველა კომპანია, თითქმის ყველა. ცეესკოც კი, რომელიც სხვათაშორის ფოტოკონკურსს ატარებს.

ძირითადად იკვეთება 5 კონკურსების სახეობა

  1. ფოტო
  2. ვიდეო
  3. მეგობრების მოწვევა
  4. ტრივია ანუ კითხვაზე პასუხის სწრაფი გაცემა
  5. და TBC Game

1. ფოტო კონკურსები

როგორც წესი ცდილობენ სხვადასხვა თემატიკა აირჩიონ, მაგრამ ბოლოს ყველაფერი საყვარელი ბავშვების ან დზერსკი გოგოების სურათებით მთავრდება ან კიდევ გუგლში ამ თემაზე მოძებნილი პირველი გვერდის სურათებით. ზოგიერთი ჭკვიანი კი სპეციალურად დაასქროლებს ხოლმე ქვემოთ და დაახლოები მე-10 მე-15 გვერდების სურათებს იღებს. რომ არა სხვა პატიოსან მონაწილეთა აღშფოთება, კონკურსის მომწყობები ამას ალბათ უყურადღებოდაც დატოვედნენ.

ხშირია “ნი პრიჩёმ” სურათები, ისე პროსტა.

მაგ: საქართველოს ბანკის უკანასკნელ ფოტო კონკურსში (Best of Georgia) იყო რამდენიმე კატეგორია Future of Georgia, Taste of Georgia, Strength of Georgia, Treasure of Georgia და Spirit of Georgia

Future of Georgia – ბავშვები, ბავშვები და კიდევ ერთხელ პატარა ჩასაყლაპი ბავშვები

Taste of Georgia – ხინკალი, მწვადი, ღვინო, სუფრა, პატარა ბავშვები თონის პურით ხელში და ერთი “ნი პრიჩёმ” სურათი

Strength of Georgia – ბუნებრივი ღირსშესანიშნაობები, რაგბისტები, ბავშვები, რამდენიმე ადამიანი.

Treasure of Georgia – თვითონ ნახეთ 🙂

Spirit of Georgia

2. ვიდეო კონკურსები      

ვიდეო კონკურსები ფოტო კონკურსებისგან განსხვავებით არც ისე დიდი პოპულარობით სარგებლობს თუმცა რამდენიმე ასეთიც იყო. “საქართველოს ბანკის” love.bog.ge ალბათ ყველასათვის ნაცნობია, ასევე ამავე ბანკის “ინტერნეტ-ნიჭიერი” და კიდევ ერთი ევროვიზიის One More Day რომელიც არც თუ ისე დიდი პოპულარობით სარგებლობს და მგონი სულ რამდენიმე ვიდეო არის ატვირთული.

3. მეგობრების მოწვევა

ასე პირდაპირ მეგობრების მოწვევას არავინ გთხოვს, მაგრამ ასეთებიც ყოფილა. ძირითად მეგობრების მოწვევა ხდება აპლიკაციების მეშვეობით რათა გახსნა “ბარათი” ან მოიმატო კვერცხების რაოდენობა. მაგრამ coupon.ge-ს ჰქონდა გათამაშება, რომელშიც მეგობრების მოსაწვევად მათ გვერდზე ელფოსტა და სახელი უნდა დაგეწერა, მოკლედ სპამერების სამოთხე შექმნეს.

4. ტრივია ანუ კითხვაზე სწორი პასუხის გაცემა, თანაც სწრაფად

თავიდან ასეთი კონკურსები მხოლოდ მრგვალი ლაიქების აღსანიშნავად იმართებოდა (1000, 5000 და ა.შ.), ახლა კი ყოველდღიურად იმართება 6 ან 9 საათზე, ზოგჯერ 5-ზე და 7-ზე. კონკურსების ეს ტიპი ყველაზე სამართლიანად მიმაჩნია, რადგანაც აქ არ მოსულა სპამერობა და მეგობრობა, მხოლოდ ცოდნა ან ჭეშმარიტი დაგუგლვა შველის საქმეს, მაგრამ არ გამოვრიცხავ, რომ წინასწარაც სცოდნია ვინმეს კითხვა და შესაბამისად პასუხიც.

5. TBC Game

ამ იდეით ბევრად უკეთესი თამაშის გაკეთება იყო შესაძლებელი, მაგრამ ბოლოს მაინც ჩაა&ვეს ყველაფერში და ყველა უკმაყოფილო დარჩა. ამ თამაშზე საკმაოდ ვრცელი პოსტი მაქვს დაწერილი, ასე რომ შეგიძლიათ ის წაიკითხოთ აქ.


წაიკითხე ეს ყველაფერი, იმედია წაიკითხე და ფიქრობ: “რა არის ამაში ცუდი?” ეს ხომ უბრალოდ PR-ია, რეკლამა, უბრალოდ რეკლამა, მაგრამ არც ეს პოსტი დაიწერებოდა, რომ არა სპამინგი რომელიც ამ კონკურსების დროს დათარეშობს, ხარობს. ალბათ არავინ არის ისეთი, ვისაც ერთხელ მაინც არ მოსვლია მეგობრის წერილი ასეთი შემცველობით:

დამილაიქე რა, ძალიან მჭირდება, წინასწარ მადლობაა….

ან

მიიღე რა ჩემი მოთხოვნა იმაში კვერცხებში.

ეს უკვე აუტანელი გახდა, რადგანაც ყოველი მეორე ნოთიფიქეიშენი ამდაგვარი მოთხოვნა იყო, ამ შემთხვევაში კვერცხების მიღებაზე, მაგრამ ეს მანამ სანამ არ დავბლოკე. :ბოროტისიცილი:


წესების დარღვევა

ამავდროულად ფეისბუქზე კონკურსის ჩამტარებელი ყველა ქართული კომპანია არღვევს ფეისბუქის ოფიციალურ წესებს გათამაშებებთან დაკავშირებით.
მაგალითად, აკრძალულია გათამაშების გამარჯვებულის სახელის გამოცხადება სტატუსში, შეტყობინებასა და სხვა, რასაც ყველა ქართული კომპანია აკეთებს.

წესების სრული ჩამონათვალი შეგიძლიათ იხილოთ აქ


ასე და ამგვარად გრძელდება დღესაც, წესებს კვლავაც არავინ არ იცავს კედელი, მეილი და ნოტიფიქეიშნები ისპამება.

მგონი არც ერთი სახეობა არ გამომრჩენია, თუ გამომრჩა შეგიძლიათ კომენტარებში დაასახელოთ ის.

Advertisements

TBC Game. $10,000 გათამაშდა, მაგრამ როგორ?

fun art.

 

ამ თამაშმა, TBC Game-მა თავიდანვე მიიქცია ჩემი ყურადღება. თამაშის ფორმატი არის საინტერესო, გასართობი და პრიზის გარეშეც სიამოვნებით ვითამაშებდი, აი ისე უბრალოდ მხოლოდ გართობის მიზნით, მაგრამ თქვენ წარმოიდგინეთ TBC-მ საკმაოდ სოლიდური პრიზიც დააწესა, 10,000 ამერიკული დოლარი (თუ დოლьარი?)

იდეა კარგი, თავსატეხებიც, ხალხიც ენთუზიაზმით შეპყრობილი, მთელი ქალაქი თამაშშია… აქეთ იქით დარბიან რუკებით, ტელეფონებით და რაღაც ქაღალდებით ხელში… მშვენიერია…

მაგრამ თამაშში მონაწილეობა ვერ მივიღე, სამწუხაროდ სამუშაო დღეებში მიმდიონარეობდა თამაში და მასში მონაწილეობის მიღება მხოლოდ მოცლილებს თუ შეეძლოთ ანუ იმათ ვისაც საქმე არ ჰქონდათ და არა “უსაქმურებს”.

თუმცა ბლოგერებთან ერთად დავიწყე თამაში, რომელიც ჩვენ მაშინვე დავამთავრეთ, დროის უქუნლობის გამო, მაგრამ მე ორ მინიშნებაზე ვირბინე, ვიპოვე კიდევ ისინი.

მაგრამ იყო ხალხი რომელიც ბოლომდე თამაშობდა, მთელ დღეს მინიშნებების ძებნასა და მათ გაშიფრვაში ატარებდა შემდეგ კი წვალებით მოპოვებული კოდი აპლიკაციაში შეჰყავდათ და ელოდებოდნენ შემდეგ მინიშნებებს.

მაგრამ რის საქართველო იქნებოდა თუ კი ბოლოში რაღარ გაუგებრობა/არეულობა არ მომხდარიყო.

გაუგებრობა მეორე ტურში დაიწყო, როდესაც ორ ადგილას მინიშნება დაზიანებული/მოპარული იყო, თუმცა თი-ბი-სი ამას მარტივად გაუმკლავდა და მინიშნებები ფეისბუქზე დადო.

სხვათაშორის არაერთხელ ვიფიქრე იმაზე, რომ ბოლოს, სულ ბოლოს არ მომხდარიყო დაპირისპირება ფინალისტებს შორის, მაგრამ ეს არ მოხდა.

ფინალისტებიც კი არ იყვნენ, იყო მხოლოდ ფინალისტი.

მაგრამ რატომ?

იმიტომ, რომ ყველა პატიოსანი მოთამაშე სახლში, ტელევიზორის წინ იჯდა და P.S.-ის ყოველ სიტყვაში დაფარულ მინიშნებას ეძებდა, მაგრამ ამაოდ.

მოგეხსენებათ გუშინ ბორის პაიჭაძის სახელობის ეროვნულ სტადიონზე გაიმართა საფეხბურთო მატჩი საქართველო – ხორვატია რომელიც ჩემდა და ალბათ ყველას გასაკვირად საქართველოს მოგებით დასრულდა.

ხოდა P.S.-ის სტადიონზე ერთ-ერთი ჩართვის დროს მოედანზე გამოჩნდა ვიღაც ტიპი, რომელსაც ულოცავდნენ და ერთი ამბავი იყო, უკან დიდჩეკიანი ვიღაცა იდგა, მას კი ხელში რაღაც პატარა “შკატულკა” ეჭირა.

სად დაიწვა TBC?

მეორე ტურისავე რუკაზე ეწერა, რომ მონაწილეებს ყურადღებით ეყურებინათ 26 მარტის P.S. რუსთავი 2-ზე, შემდეგ თქვა, რომ იქ საბოლოო მინიშნება იქნებოდა, შესაბამისად ყველა ნახევარ-ფინალისტი სახლში იჯდა, ტელევიზორს უყურებდა და მინიშნებას ელოდა და უეცრად ჩვენ მოგებულს გვაჩვენებენ, რომელიც გაოგნებულია, შოკშია, ვერ ლაპარაკობს და ოდნავ აღელვებულია (ეს თვითონ თქვა). მან ჯერ არ იცის რაში დახარჯავს ფულს, მაგრამ თამაში ნათელი მაგალითია იმისა, რომ ფული მიწაში არ უნდა ჩაიმარხოს.

ლინკი მოცემულ დროზე.

ყველა ბედნიერია, სტადიონი ყვირის, შემდეგ ისევ სტუდიაში დავბრუნდით და გვამცნეს, რომ თამაში უკვე დასრულებული იყო.

იმ წუთსვე TBC Game-ის ფეისბუქის გვერდზე გაჩნდა გინების, ლანძღვის და უკმაყოფილების გამომხატველი კომენტარები და პოსტები. TBC-ს აფერისტს უწოდებენ, ანაბრებისა და დეპოზიტების დახურვით იმუქრებიან, unlike-თ და დარეფორთებით.

უკვე შეიქმნა კიდევაც სპეციალური გვერდი, რომელსაც Anti-TBC Game ჰქვია. გვერდის ადმინისტრატორები, როგორც თავად ამბობენ უკვე დაუკავშირდნენ პრესას და მათგან პასუხს ელიან.

მე თამაშში აქტიურად არ ვიყავი ჩაბმული, მაგრამ ის რაც TBC-მ გააკეთა სისულელეა… ისეთი ფინალი მაინც მოეფიქრებინათ, რომ ხალხს ეჭვები არ გასჩენოდა.

თამაშის დასრულების მიახლოებითი დროის გამოთვლა შესაძლებელია, მაგრამ წამი წამში? ზუსტად იმ ჩართვის დროს? ზუსტად იქ სადაც ჟურნალისტები იდგნენ?

დასკვნა

ყველაფერი სამართლიანად რომც ყოფილიყო, მაინც დაიწყებდნენ იმის ძახილს, რომ თამაში ჩაწყობილი იყო, არ დაგავიწყდეთ რომელ ქვეყანაში ვცხოვრობთ.

TBC-ს ამ თამაშით რეკლამის გაკეთება სურდა, მაგრამ სინამდვილეში კი ანტი-რეკლამა მიიღო, რომელიც მას 10,000 ამერიკული დოლარი დაუჯდა, ამ ფულად ისევ ჯობდა სარეკლამო დრო შეეძინა რომელიმე რეიტინგულ არხზე, რამე დაესპონსორებინა ან ისევ რამე კონკურსი მოეწყო, რომელიც სურათებს ან რაიმე მსგავს გაითვალისწინებდა.

 

TBC Game. დღე ერთადერთი

მოგეხსენებათ შეიქმნა ბლოგერების 12 კაციანი ჯგუფი რომელიც ეძებს 10,000-ს და თუ მოვიგეთ ვაპირებთ სერვერის ყიდვას.

დღეს დილით დიდის ამბით ვიყიდე კვირის პალიტრა, ქუჩაში, წვიმაში გადავათვალიერე  და ვერაფერი ვნახე. მეორედ გადათვალიერებისთვის დრო არ დამრჩა, რადგანაც 1. გაზეთი დასველდებოდა

2. ჩემი სამარშრუტო ტაქსი ახლოვდებოდა

მთელი დღე იმის ძახილში გავატარე, რომ “კვირის პალიტრაში” არაფერი ეწერა, მაგრამ როდესაც თავისუფალი დრო მომეცა ხელახლა გადავათვალიერე გაზეთი და ნანატრი რუკა ვიპოვე, რომელზედაც მინიშნებათა ადგილსამყოფელი იყო დატანილი. რუკა მაშინვე დავასურათე და ფეისბუქზე ჯგუფში ავტვირთე, ორი მინიშნება საბურთალოზე იყო, ფაქტიურად 3, მაგრამ მე მხოლოდ ორამდე მივედი. ერთი პეკინზე, მეორე პავლოვის (ყაზბეგის) დასაწყისში. პეკინის თავსატეხი კაცუნების ცოდნას საჭიროებდა, პავლოვის კი საკმაოდ ადვილი იყო, თუმცა მე არ ამომიხსნია.

უკვე 6-ის ნახევარი იყო სკოლის სამარშრუტო ტაქსიდან რომ ჩამოვედი და მინიშნებისკენ გავექანე რუკით ხელში, მთელი ქალაქი ამ მანიითაა მოცული, ყველა გაზეთის ფურცლით დარბოდა აქეთ-იქით. ორივე მინიშნება დავასურათე და ჯგუფში ავტვირთე, მაგრამ აქტიურობა დაეცა, მგონი აღარ ვთამაშობთ არადა ბლოგოსფეროს საკუთარი სერვერი გაასწორებდა.

მგონი ეს ჩემი თამაშის ერთადერთი დღე იყო, რადგანაც დრო შეზღუდულია, არადა რომ არა სკოლა უკვე მთელ ქალაქს შემოვივლიდი, ყველა მინიშნებას ვიპოვიდი და კოდსაც შევიყვანდი.

აქეთ-იქით სირბილით საკმაოდ გადავიღალე.

დღეს ქართულზე ორი კარგი თემა გამომივიდა და ვამაყობ ჩემი თავით, შეიძლება აქაც დავდო მერე.

ნიჭიერის ყურება ძალიან მინდა, შეიძლება ძალიან არა მაგრამ მინდა, ხვალ ყველა ამაზე ილაპარაკებს მე კი ისევ არ მექნება ნანახი, იმიტომ კი არა რომ მიტყდება უბრალოდ მინდა ვნახო, რომ მერე პოსტიც დავწერო.

მაგრამ მგონი ჯობს დავიძინო. ღამე მშვიდობისა.

TBC ბანკი მოცლილებს

ალბათ ყველამ კარგად იცით თი-ბი-სი ბანკის ახალი გათამაშების შესახებ, ვეძებთ 10 000  ამერიკულ დოლარს მთელ თბილისში.

ვინც არ იცით, შეგიძლიათ წაიკითხოთ ეს:

მე, ედმონდ აბაშიძე, შეძლებულ ოჯახში გავიზარდე. აღსაზრდელად ბებიას ვიყავი მიბარებული. კარგის მეტი რა მეთქმის მასზე, მუდამ თავს მევლებოდა და მათამამებდა.

მთელი ქონება მე დამიტოვა და დამიბარა ჭკუით შეინახეო. ეს კი იმას ნიშნავდა რომ ფული ჩემი თავისგან უნდა დამემალა. ბევრი ვიფიქრე და მივხვდი, რომ აჯობებს თუ ნაანდერძევ განძს დავმარხავ. გულმავიწყობის გამო, ჩემს თავს წერილებს გავუგზავნი, მისი პოვნა რომ არ გამიჭირდეს.

ამ თამაშში სიამოვნებით ჩავერთვებოდი იმ შემთხვევაშიც თუ პრიზი არ იქნებოდა, უბრალოდ გართობის მიზნით, მაგრამ ვერცერთი მეგობარი ვერ ავაგდე და ამიტომაც ბლოგერებთან ერთად ვთამაშობ (იხ. ლაშარელას პოსტი), ჩვენ გავერთიანდით და თუ მოვიგებთ, მოგებული თანხით ვიყიდით ქართული ბლოგოსფეროსთვის სერვერს და იქ დავაბინავებთ ჩვენ ბლოგებსა და ზემოთხსენებული სფეროს განვითარებისთვის შექმნილ პროექტებს, მგონი არ არის ცუდი იდეა.

დღეს მარჯანიშვილზე მისასვლელად სკოლისა და გამო ვერ მოვიცალე, მთელი ქალაქი კი გადარბენაზე იყო, მანამ სანამ მე გაკვეთილებზე დრო გამყავდა.

ასეთი პროექტები ხშირად უნდა გაკეთდეს, თუნდაც ისინი არ ითვალისწინებდნენ სოლიდურ ფულად პრიზებს, ეს არის გართობის და აქტიური დასვენების ერთ-ერთი ყველაზე საინტერესო საშუალება…

იდეა ძალიან ძალიან ძალიან მომწონს, მაგრამ დრო.

რატომ არ იფიქრეს თი-ბი-სი-ში რომ თბილისის მოსახლეობის უმრავლესობას პარასკევს, დილის 10 საათზე ეწყება სამუშაო საათები ან სასწავლო… რატომ არ შეიძლებოდა თამაშის დაწყება შაბათს ან კვირას, რომ ყველა მსურველს შესძლებოდა მისვლა..

არ მინდა ამ სიტყვებით დღეს იქ დილის 10 საათზე მყოფ ნებისმიერ ადამიანს შეურაცხყოფა მივაყენო რაიმე ფორმით და მათ მოცლილები ვუწოდო, მაგრამ მართლაც ისე გამოვიდა, რომ მივიდა მარტო ის ვისაც ეცალა სამუშაო დღეს, დილის 10 საათზე…

თანაც დღეს მისულები ითხოვდნენ კოდის მიღება დღეს ღამევე შეწყვეტილიყო…

უსამართლობა ბატონებო უსამართლობა…

%d bloggers like this: