რატომ არის გუგლი უკან?

დღეს, როდესაც ჩვენ ცხოვრებაში უდიდესი ადგილი უჭირავს სოციალურ მედიასა და სოციალურ ქსელებს, ნებისმიერი დიდი კომპანია ეძებს ამ ბაზარზე თავის ადგილს.

რა თქმა უნდა, დღეს მსოფლიოში უპირობო ლიდერია ფეისბუქი, მას მოყვება ტვიტერი.

დღეს სოციალური ქსელი აღარ არის უბრალოდ მეგობრებთან საურთიერთო ადგილი, ეს არის სარეკლამა პლატფორმა და საკმაოდ კარგი საძიებო სისტემა.

როგორ ფიქრობთ, როდესაც მე მაინტერესებს რამდენად კარგია ნოკიას ახალი ტელეფონი ხმარებაში ვის უფრო ვენდობი? რომელიმე ფორუმელს, რომელსაც შეიძლება კარგ მიმოხილვაში ფული გადაუხადეს თუ ჩემ მეგობარს, რომელიც არ დამიმალავს ტელეფონის მინუსებს? – რა თქმა უნდა ყოველი ადამიანი თავის მეგობარს უფრო ენდობა.

ინტერნეტ-გიგანტი Google წლების განმავლობაში იყო ყველაზე ხშირად მოხმარებადი სერვისი, საძიებო სისტემა, უნიკალური, მინიმალისტური, ყოველთვის ახალი იდეებით გამორჩეული, მაგრამ მას შემდეგ რაც 2004 წელს ბაზარზე ახალგაზრდა მარკის ქმნილება (ფბ) გამოჩნდა ყველაფერი შეიცვალა.

დღეს ფეისბუქი გუგლის სერიოზული კონკურენტია და ამიტომაც ცდილობს გუგლი თავისი სოციალური ქსელში შექმნას, უკვე მეორედ.

პირველი იყო Google Wave რომლის დანიშნულებაც დღემდე გაურკვეველია, ის უბრალოდ არსებობს.

გუშინ კი კომპანიამ თავისი ახალი სოციალური “ქსელი” Google+ დაანონსა, რომელიც ფბ-ს კონკურენტი უნდა გახდეს, მაგრამ ის ჯერჯერობით მხოლოდ მომხმარებელტა გარკვეული ჯგუფისთვის არის ხელმისაწვდომი და სულ მალე გაეშვება.

გუგლს ხელს თითქოს არაფერი არ უნდა უშლიდეს, მინიმალისტური დიზაინი, კარგი პიარი. მას ყველაფერი აქვს ახალი პროდუქტის პოპულარიზაციისთვის, მაგრამ საქმე იმაშია, რომ დღეს ფეისბუქზე იმდენად ბევრი ადამიანი არის დარეგისტრირებული, რომ მათი გადაყვანა პლიუსზე თითქმის შეუძლებელია, თან განა ყველას აქვს Gmail?

ვინ დარეგისტრირდება გუგლის ახალ სერვისში? იქ ხომ ვერ ვიპოვით 10 მეგობარზე მეტს და ისევ ფბ-ს დავუბრუნდებით.

გუგლს ძალიან ბევრი საინტერესო, სახალისო და სასარგებლო პროექტი აქვს, მაგრამ მის სოციალურ საქმიანობაში რაღაც არასწორად მიდის. რაღაც მუდმივად ხელს უშლის.

P.S.

წელს გუგლის თანამშრომელთა პრემიები სოციალურ სფეროში წარმატებაზე იქნება დამოკიდებული.

გთხოვთ აქვე უპასუხოთ გამოკითხვას

Google – სოციალური წარუმატებლობა


მას შემდეგ რაც Google-ის პირველი სერვერი ლეგოებისგან აგებულ კეისში მოთავსდა დიდმა ხანმა განვლო და დღეს გუგლი აღარ არის მხოლოდ საძიებო სისტემა. ამას კომპანიაში დიდი ხნის წინ მიხვდნენ და ძებნით გამომუშავებული ფულით დაიწყეს სხვადასხვა სერვისების შეძენა, მათი სერვისების გამოყენება და/ან თავიან სერვისებში ინტეგრაცია, რითაც გუგლის ყველა პროდუქტი ხდებოდა საუკეთესო ბაზარზე, მაგალითად როდესაც გუგლმა 2006 წლის 9 ოქტომბერს შეიძინა ვიდეო-სერვისი YouTube, ეს სარისკო საქმე იყო, რადგანაც შეძენილი სერვისი სავსე იყო არალიცენზირებული კონტენტით, როგორც დღეს მაივიდეო.ჯი და ამას შეეძლო მილიონობით დანაკარგი მოეტანა გუგლისთვის. მაგრამ შენაძენი სწორი აღმოჩნდა და დღეს ამ შენაძენს გუგლისთვის ყოველ წელიწადს მილიონობით შემოსავალი მოაქვს, ასევე ერთ-ერთი წარმატებული პროექტია Blogger, Picasa, Google Docs  და ა.შ. მაგრამ ბოლო დროს გუგლს მაიკროსოფტი დაემართა ანუ ყოველი ახლად წამოწყებული პროექტი 1-2 წელიწადში ან ნაკლებში იხურებოდა. ასეთ პროექტებს შორისაა Google Wave რომლის ბედი დღესაც გაურკვეველია, ის ამჟამად Open Source-ში არის ხელმისაწვდომი, მაგრამ საქმე იმაშია, რომ მისი დანიშნულებაც უცნობია ჩემთვის. თავიდან ის მზადდებოდა როგორც გუგლის სოციალური ქსელი, მაგრამ დღეს ეს არის წიპა Google Docs. ასევე ჩავარდა Google Video-ს ამ სერვისით გახსნით გუგლი ერთდროულად გახდა ორი ვიდეო-საიტის მფლობელი, თანაც პროექტი გაეშვა იმ დროს როდესაც YouTube უკვე პოპულარობით სარგებლობდა, გუგლ ვიდეოები იხურება, ყველა ვიდეო იშლება ასე, რომ თუ გაქვს ამ სერვისზე რამე ვიდეოები ატვირთული გირჩევთ YouTube-ზე გაუკეთოთ ექსპორტი, თუმცა მგონი უკვე დაიხურა კიდევაც. ასევე Google Nexus One და Google Answers.

დღევანდელ სოციალური ქსელებით სავსე სამყაროში უბრალოდ ძებნა არაფერია, რადგანაც როდესაც შენ ეძებ ვის ენდობი მეტად უცნობ ადამიანს, რომელსაც დადებითი კომენტარის დაწერაში შეიძლება 10 ცენტი გადაუხადეს თუ შენს მეგობარს, რომელიც თავის მეგობრებს ურჩევს ამ მომსახურებას? რა თქმა უნდა ყოველი ადამიანი მიენდობა თავისი მეგობრის რჩევას, სწორედ ამიტომ მიაღწია facebook-მა ასეთ წარმატებას და სწორედ ამიტომ ეძებს გუგლი ახალ შთაგონებას, რაც ახალი CEO-ს დანიშნვაშიც. გუგლი ეძებს რაღაც ახალს, სოციალურს რადგან იგი ხვდება, რომ მომავალი სოციალური ქსელებისაა.

Google’s last attempt

Google-ის უკანასკნელი ცდა ძებნის სოციალიზებისა იყო და არის “+1” ღილაკი. შენ ეძებ კაფეს? იპოვე? მოგეწონა? დააპლიუსერთე და გაუადვილე ძებნა სხვას. “+1”-ები ჯერ-ჯერობით არ მოქმედებს საიტის რანკზე, მაგრამ გუგლში არ უარყოფენ, რომ უახლოეს მომავალში +1-ების რაოდენობა განსაზღვრავს საიტის პოზიციას ძებნის შედეგებში. თუ ეს მართლაც ასე იქნება მაგრად დაერხევათ ე.წ. “სეოშნიკებს” და “კონტენტ-ფარმების” მფლობელებს, რომელთაც აქვთ უამრავი უაზროდ ჩაყრილი სიტყვა საიტზე და ამის ხარჯზე რეიტინგში მაღლა დგანან.

+1 ღილაკზე თბილისში გამართულ Google TechTalk-ზეც ითქვა რამდენიმე სიტყვა.

გუგლის ახალმა იდეამ გაასწორა, ის აშკარად ლეგენდარული ლაიქ-ღილაკის კონკურენტია, მაგრამ სად მიდის ჩვენი +1-ები?

საქმე იმაშია რომ არსად. ისინი ჯერ არ მოქმედებენ ძებნის შედეგებზე, მათ ჯერ ვერ ხედავენ ჩვენი მეგობრები, მათ საერთოდ ვერავინ ვერ ხედავს ჩვენს გარდა ამასთან ერთად ეს ღილაკი ჯერ მხოლოდ ექსპერიმენტულია და Google Labs-იდან ანუ გუგლის ექსპერიმენტული ნაწილიდან არის ხელმისაწვდომი და ეს მაშინ როდესაც მთელი ინტერნეტი ლაიქებითაა სავსე, ყველას ეს სიტყვა აკერია პირზე, ეს ღილაკი ყველგანაა შენ კი კიდევ აყოვნებ შენი პროდუქტის ჩაშვებას.

საქმე იმაშია, რომ გუგლმა საკმაოდ ბევრი წარუმატებლობა იწვნია და ახლა ძალიან ცდილობს პოზიციების გამოსწორებას, მას არაერთი მცდელობა ჰქონდა შეესყიდა Groupon, რომელიც ჯგუფური შესყიდვების უმსხვილესი სერვისია ამერიკაში, გუგლი ფასს ყოველ უარზე წევდა ზემოთ, ყველაფერი 6 მილიარდ აშშ დოლარზე და Groupon-ის საბოლოო უარზე დამთავრდა, ამის შემდეგ კი გუგლმა გადაწყვიტა ამ სახის თავისი სერვისის გაშვება, რომელიც ნორმალურად დღემდე ვერ ამუშავდა, facebook-მა კი უკვე გაუშვა Deals.

ჩემი აზრით, +1 ღილაკი გაშვება ნაადრებია რადგანაც გუგლს ჯერ არ აქვს ბაზა სადაც ყველა +1 გროვდება და არ ჰყავს მომხმარებელი, რომელიც ამ +1-ებს ნახავს. გუგლს არ აქვს სოციალური პლატფორმა, სადაც ადამიანები შევლენ სალაპარაკოდ, სურათების დასადებად და ა.შ. გუგლს აქვს ყველაფერი ცალ-ცალკე(Google Talk, Picasa, YouTube და ა.შ.) რისი ერთ პროდუქტად გაერთიანებაც ჯერ არ გამოსდის.

კონკურენცია სოციალურ ქსელსა და ძებნის გიგანტს შორის აშკარად იგრძნობა, თანაც ქსელმა ცოტა ხნის წინ დაიქირავა პიარ კომპანია გუგლის წინააღმდეგ სამუშაოდ. ამის შესახებ დაწვრილებით შეგიძლიათ წაიკითხოთ აქ.

Google მართლაც ერთ-ერთი საუკეთესო კომპანიაა, რომელსაც აქვს არაჩვეულებრივი პოტენციალი და ინტერნეტის მომავლის ხედვა, მაგრამ არა მის სოციალურ ნაწილში.

რამდენიმე დღის წინ გუგლმა ოფიციალურად დაანონსა Google Chrome OS-ის უკანასკნელი ვერსია და Google Chromeboook-ები. გუგლის ოპერაციული სისტემა არსებულთაგან ყველაზე სწრაფია, მის სამუშაო მდგომარეობაში მოყვანას მხოლოდ 10 წამი სჭირდება და ის უშუალოდ ინტერნეტ-მომხმარებლებზეა გათვლილი, ხოლო Chromebook-ებზე გათვალისწინებულია მხოლოდ 16GB ხარდ-დრაივი.

ჩემი აზრით გუგლმა უნდა შეაჩეროს სოციალური კამპანია მანამ სანამ არ მოიფიქრებს რაიმე რეალურად კარგს, სხვათაშორის წელს სოციალური კამპანიები გუგლის მთავარი პრიორიტეტია, რადგანაც 2011 წელს გუგლის თანამშრომელთა პრემიები სწორედ სოციალურ ტექნოლოგიათა სფეროში წარმატებით განისაზღვრება.

ფეისბუქის შავი პიარი. არ მოველოდი მარკისგან

ფეისბუქმა დაადასტურა, რომ მან დაიქირავა PR სააგენტო, რათა აემაღლებინა საზოგადოების ცოდნა გუგლის საქმიანობაზე. კამპანიის შესახებ მაშინ გახდა ცნობილი, როდესაც პიარ სააგენტოს აგენტი ცდილობდა ერთ-ერთ ბლოგერთან შეთანხმებას, რათა მას გუგლის რამდენიმე სერვისის შესახებ პოსტი დაეწერა.

პიარ სააგენტო არის “ბარსონ-მარშტელერი”. ბლოგერი არის კრის სოღოიანი (Chris Soghoian). სააგენტოს აგენტს სურდა კრისს დაეწერა პოსტი გუგლის სოციალური წრის შესახებ, რომელსაც ის იყენებს ძიების შედეგების გასაუმჯობესებლად.  ამავე შეთავაზებით აგენტი დაუკავშირდა სხვა მედია საშუალებებს, მათ შორის USA Today-ს.

სოღოიანმა უარი თქვა შემოთავაზებაზე და ამის ნაცვლად გადაწყვიტა აგენტის ელწერილების გამოქვეყნება. (წერილები ხელმისაწვდომია აქ)

თავის წერილში აგენტი გუგლს აღწერს როგორც პირადი ინფორმაციის შეგროვების საშუალებას და მილიონობით მომხმარებელზე დოსიეს შექმნას.

როდესაც სოღოიანმა სცადა გაეგო თუ ვინ აფინანსებდა კამპანიას, სააგენტოს წარმომადგენელმა უარი განაცხადა კლიენტის ვინაობის დასახელებაზე. ფეისბუქის წარმომადგენელმა დაადასტურა, რომ მან მართლაც დაიქირავა სააგენტო რადგანაც 1. გუგლი მართლაც ეწევა საქმიანობას რომელიც ეჭვებს ღძრავს 2. ფბ-ს არ უნდა გუგლმა გამოიყენოს  მისი ინფორმაცია თავის სოციალურ ქსელში.

ასეთი “ბრძოლები” გიგანტ კომპანიებს შორის არც თუ ისე იშვიათია, მაგრამ პიარ აგენტის დაქირავება და ბლოგერებისთვის ანტი-რეკლამის შეკვეთა კონკურენტების საწინააღმდეგოდ ნადმვილ კატასტროფად იქცა.

[Mashable!]

ბრძოლა ღრუბლისათვის

ბოლო დროს სულ უფრო და უფრო აქტუალური ხდება მსუბუქი, თხელი მოწყობილობები, რომელთაც აქვთ ინტერნეტისადმი წვდომის ორი მაინც საშუალება, რაც მთავარია უკაბელო.

 

 

 

 

მომხმარებელთა ამ მოთხოვნილების ფონზე იქმნება უამრავი პლანშეტი, სხვადასხვა მწარმოებლებისგან, მაგრამ ძირითადად ორი ოპერაციული სისტემით:

  1. Apple-ის iOS რომელიც მართლაც, რომ ერთ-ერთი ყველა დახვეწილი მობილური ოპერაციული სისტემაა მსოფლიოში, რომლის პლატფორმაზეც არსებობს უმრავი აპლიკაცია.
  2. და მეორემხრივ Google თავისი შედარებით ახალგაზრდა Android-ით, რომელიც ახლა იმკვიდრებს თავს და უკვე საკმაოდ კარგად მოედო ყველა პლანშეტს გარდა Apple-ის iPad-ისა.

რა თქმა უნდა დღეს ადამიანები უფრო მეტს მოგზაურობენ, მოძრაობენ ერთი ადგილიდან მეორისკენ, დიდი და მძიმე ლეპტოპის ყველგან ტარება გარკვეულწილად მოუხერხებელია, პლანშეტი ჯერ კიდევ ვერ აკეთებს ყველაფერ იმას რასაც ტრადიციული კომპიუტერი, ამიტომაც გაჩნდა ღრუბლის საჭიროება.

ღრუბელი (Cloud) გულისხმობს ადამიანის, მომხმარებლის მონაცემთა შენახვას ღრუბელში, არა მის კომპიუტერზე, არამედ ამა თუ იმ კომპანიის დატაცენტრში, ხოლო ამ ინფორმაციისადმი წვდომის საშუალება ადამიანს აქვს ნებისმიერი კომპიუტერიდან, რომელიც მიერთებულია კომპიუტერზე უბრალოდ თავისი სახელისა და პაროლის შეყვანით.

ერთ-ერთი პირველი კომპანია, რომელიც მომხმარებლებს ღრუბელში სივრცეს სთავაზობდა იყო iCloud, 3 გიგაბაიტი იყო და არის უფასო, ხოლო მეტში ყოველწლიურად იხდი ფულს, ბრაუზერში გაქვს დესკტოპი, ფაილ მენეჯერი, ფლეიერი,სხვა ბრაუზერი და ყველაფერი ის რასაც მიჩვეულები ვართ ჩვეულებრივ კომპიუტერზე.

მაგრამ ის იყო ერთადერთი, უკონკურენტო, მაგრამ დღეს თითქმის ყველა დიდი კომპანია იბრძვის სივრცისთვის ღრუბელში, სურთ იქ ყველაფრის (მუსიკის, წიგნების, დოკუმენტების და სხვა სახის ფაილების) განთავსება.

რამდენიმე დღის წინ გაეშვა Amazon Cloud Player – მუსიკა ონლაინში, შენი პირადი კოლექცია, ასევე საკმაოდ დიდი პოპულარობით სარგებლობს Google Docs, რომელიც გარდა ყველა სახის ფაილის შენახვის შესაძლებლობისა ასევე გვიადვილებს პროექტზე ჯგუფურ მუშაობას, დოკუმენტის ავტორების დამატებით.

ცნობილია, რომ კომპანია Microsoft-ის ოპერაციული სისტემის შემდეგ ვერსიას (სავარაუდოდ Windows 8) იქნება Live ID-ს მხარდაჭერა რაც ღრუბელს პირდაპირ კომპიუტერში ჩამოიყვანს, სხვა ბრაუზერების გამოყენების გარეშე.

უკვე ლაპარაკობენ იმაზეც, რომ Apple ქმნის საკუთარ ღრუბელს, სადაც განთავსდება მათი მობილური მოწყობილობების მომხმარებელთა ფაილები, მეილები და ა.შ. ამგვარი სისტემა უკვე არსებობს, MobileMe მაგრამ ის ჯერ კიდევ დასახვეწია.

 

ღრუბლისთვის ბრძოლა ჯერ კიდევ დიდხანს არ დასრულდება, მისი აგებაც და დახვეწაც დიდ ხანს გაგრძელდება, მაგრამ რას ფიქრობ შენ?

მზად ხარ დათმო შენი პერსონალური კომპიუტერი პლანშეტის სანაცვლოდ, რომელიც ფუნქციებით გაუტოლდება შენს ამჟამინდელ მეგობარს? მზად ხარ მთელი შენი ინფორმაცია გადაიტანო ღრუბელში?

let me know in the comments

მაცნობეთ კომენტარებში 🙂

Google Fight

დღეს აღმოვაჩინე ჩემთვის აქამდე უცნობი (თავისთავად) საიტი, რომელსაც ჰქვია Google Fight და რომელსაც კომპანია Google-თან არანაირი კავშირი არ გააჩნია.

თქვენ შეგიძლიათ ჩაწეროთ ორი სიტყვა, რომლებსაც საიტი შეადარებს, აჩხუბებს ამ სიტყვებზე შედეგები რაოდენობის მიხედვით.

დღეს როდესაც კლასელმა მითხრა ამ საიტის არსებობის შესახებ, გამიჩნდა კითხვა თუ რომელი აჯობებს “ნასკები” თუ “შარვალი” (“socks” or “trousers”)

აღმოჩნდა რომ გაიმარჯვეს…

:დაძაბულიმუსიკა: ნასკებმა 😀

კარგი საიტია დროის გასაყვანად, მაშინ როდესაც საქმე არ გაქვს, უსაქმურობისას…

მაგ: ერთ-ერთი Funny Search არის: My girlfriend VS. Pamela Anderson 😀 და “ჩემი გერლფრენდი” იმარჯვებს 😀

 

საიტს არანაირი კავშირი არ გააჩნია Google-თან.

Gmail Motion უკვე რეალობად იქცა, მართლა

ალბათ ყველას გემახსოვრებათ და მეც მქონდა ბლოგზე დადებული ვიდეო Google-ის საპირველაპრილო ხუმრობა, Gmail Motion, ეს ფუნქცია შესაძლებლობას გვაძლევდა კლავიატურის, მაუსისა და სხვა მოძველებული დანადგარების გამოყენების გარეშე გაგვეხსნა, დაგვეწერა და გაგვეგზავნა ელექტრონული წერილი.

აი Google-ის ვიდეო:

მაგრამ გამოჩნდნენ ადამიანები, რომლებმაც Google-ის სახუმარო იდეა შესაძლებელად მიიჩნიეს, აიღეს Microsoft Kinect, რომელიც უკვე დახაკულია და დაწერეს კოდი, რომელიც შესაბამის მოქმედებებს გარდაქმნიდა წერილის გახსნად, დახურვად, გაგზავნად, დაწერად და ა.შ. აღსანიშნავია, რომ მათ გამოიყენეს Google-ის მიერ შემოთავაზებული მოძრაობები.

ვსწავლობთ Java-ს +დღეს

Google TechTalk-ზე დასწრების, ინჟინრების ხილვისა და Google-ის შესახებ დიდი რაოდენობით ინფორმაციის მიღების შემდეგ, თუ რა კარგია იქ მუშაობა და ა.შ. გამიჩნდა სურვილი მეც მესწავლა პროგრამირება.

ლექციის დასრულების შემდეგ ერთ-ერთ პოლონელ ინჟინერთან მივედი და ვკითხე თუ საიდან დამეწყო და რა ენები მესწავლა, მან მითხრა მესწავლა Java და C++.

ამიტომაც დიდი ენთუზიაზმით შევუდექი… ორი დღე ვიწერ სხვადასხვა პროგრამებს, დეველოპერებისთვის განკუთვნილ ინტეგრირებულ სფეროებს… თან ვეძებ რაიმე წიგნს ან რაიმე სასწავლო კურსს რომელიც ძირითად საკითხებს შემასწავლის… ახლა თითქოს ვიპოვე რაღაც საიტი, მაგრამ ჯერ არ ვიცი რამდენად სასარგებლოა…

კლასელი მამა პროგრამისტია და მგონი აქვს სახლში ჯავა-ს წიგნი და უნდა ვითხოვო, ახლაც ამ ინტეგრირებულ სფეროს ვიწერ, მაგრამ უკვე მეძინება.

P.S. რაიმე კარგ ჯავას წიგნს ვერ მირჩევთ?

დღეს

მეგონა, რომ “ვეფხისტყაოსანი” დავამთავრეთ, მაგრამ მგონი ახლა ვიწყებთ, დღეს უკვე ორი თემა გვქონდა

1. მიჯნურობა ვეფხისტყაოსანში

2. მეგობრობა ვეფხისტყაოსანში

პირველი ერთ გვერდზე ოდნავ მეტი გამომივიდა, მეორე ნახევარ გვერდზე ოდნავ.

რატომ? მითხარით რატომ ვაკლავთ თავს?

არ დამავიწყდეს

წასაკითხი მაქვს:

  1. რომეო და ჯულიეტა (მაჩაბლის თარგმანი სასურველია)
  2. ანა ფრანკის დღიური

გუგლის პასუხი ფეისბუქს ანუ +1

ალბათ ყველა კარგად იცნობთ და არა ერთხელ შეხვედრიხართ ფეისბუქის “like” ღილაკს, რომელიც უკვე მთელ ინტერნეტსივრცეს მოედო.

ინტერნეტ-გიგანტმა გუგლმა კი მას პასუხი მოუმზადა, ღილაკი სახელად +1, რომელსაც ჯერ მხოლოდ თავისი ნებით ჩართული ადამიანები ხედავენ, მალე კი ყველა დაინახავს, ძებნის შედეგის თავზე.

მომხმარებელს შესაძლებლობა ექნება “დააპლიუსერთოს”, ალბათ მალე ასეთი ტერმინიც გამოჩნდება, საიტი და ამ ქმედებით საიტის რეკომენდაცია გაუწიოს მეგობარს, რომელიც იმავე ინფორმაციის ძებნისას პირველად სწორედ მეგობრის დაპლიუსერთებულ საიტს იხილავს.

Google-ში ამას “საზოგადოებრივი გამართლების(ნდობის) ნიშანს უწოდებენ” და ასეცაა, რა თქმა უნდა მე უპირატესობას მივანიჭებ იმ რესტორანს რომელშიც ჩემი მეგობარი არის ნამყოფი და რომელიც მას მოეწონა.

 

როგორც ჩანს გუგლი სულ უფრო და უფრო იჭრება სოციალურ ძებნაში, შარშან შემოგვთავაზა ძებნა ტვიტების მიხედვით, წელს +1 საინტერესოა რა იქნება შემდეგი?

გარდა ძებნისა, გუგლი სულ მალე საიტების მფლობელებს შესთავაზებს +1 ღილაკის დაყენებას საიტებზე და კონტენტის დაპლიუსერთებას საიტის დატოვების გარეშე, ხოლო უფრო მეტად დაპლიუსერთებული საიტის რანკის მაღალი იქნება. სწორედ აქ დაერხევათ “კონტენტ ფარმებს” ანუ საიტებს რომლებზედაც არის უამრავი keyword და არანაირი ინფორმაცია.

კიდევ შესაძლებელი იქნება რეკლამის დაპლიუსერთება ანუ რეკლამას დაემატება შემდეგი ფრაზა “რეკომენდირებულია მეგობრები მიერ”.

აი ვიდეოც რომელიც ტრადიციისამებრ ყველაფერი ანიმაციის გზით გაჩვენებთ.

Google TechTalk in Tbilisi

შესავლის პონტში

აპრილის მეორე, წვიმიანი დღე გათენდა… 12 საათზე მაღლივში Google-ის ინჟინრების ლექცია/ ტექ ტოქი იწყებოდა…

ადგომა საშინლად მეზარებოდა, მაგრამ არც ლექციის გამაზვა მინდოდა ამიტომაც თავს ძალა დავატანე და ავდექი, ცოტა ვიმეცადინე და სახლიდან გამოვედი.

მაღლივში არასოდეს ვყოფილვარ, თვითონ უნივერსტიტეტში, ამიტომაც შეიძლება ჩავთვალოთ, რომ ბრმად მივდიოდი, უბრალოდ მითხრეს ნებისმიერ მარშრუტკას გავყოლოდი ბოლომდე, რომელსაც ეწერა “მაღლივი”.

სხვათაშორის მეგონა, რომ საკმაოდ დიდ ხანს მოვუნდებოდი იქ მისვლას, მაგრამ 12-ის ნახევარზე უკვე იქ ვიყავი და დერეფანში დავხეტიალობდი.

just a note

ლექცია 107-ე აუდიტორიაში უნდა ყოფილიყო, მაგრამ 103-ეში ჩატარდა, თუმცა ამით არც არავინ დაზარალებულა და არც არაფერი შეცვლილა, ჯასთ ა ნოუთ.

TechTalk

რომ მივედი დერეფანში უკვე საკმაო რაოდენობის ხალხი ტრიალებდა, ნუ ზოგი იჯდა, შემდეგ ნელ-ნელა წასვლა დაიწყეს, მეც მივყევი… თავგანწირვით ვეძებდი 107-ე აუდიტორიას, მაგრამ ყველგან მხოლოდ 103-ე იყო ნახსენები და მონიშნული ასე რომ 103-ისკენ გავემართე. დაფასთან იდგა რამდენიმე ადამიანი 2 ქალი და 4 კაცი, Google-ის და YouTube-მაიკებში. მაშინვე მივხვდი რომ სწორედ ისინი იყვნენ ჩამოსულები ტექტოქის ჩასატარებლად, მათგან ორი ქართველო იყო, აი კრაკოვის ოფისში რომ მუშაობენ, დანარჩენებიც კრაკოვის ოფისიდან იყვნენ, აქ ახალი პროგრამისტების წასაყვანად ჩამოვიდნენ.

ლექცია 3 ნაწილისგან შედგებოდა:

  1. Google FluTrends
  2. Life at Google
  3. Life of a Project

სამივე ლექცია საკმაოდ საინტერესო იყო, თავისი სლაიდებით, იყო ასევე კითხვების დასმის დროც, სამწუხაროდ არც ერთი კითხვა არ გამჩენია და რაც გამიჩნდა სხვას ჰქონდა ნაკითხი ამიტომაც ჩუმად ვიჯექი და ვუსმენდი, კითხვები იყო სერიოზული, გამომწვევი და სულელურიც კი.

სერიოზული

ყოველი მათგანი ეხებოდა იმას თუ რა პლატფორმებს, ოპერაციულ სისტემებსა და ა.შ. იყენებს Google. ზუსტად არ მახსოვს.

გამომწვევი

კითხვა: “მართლია რომ Google სერიოზულ კონკურენციას განიცდის facebook-ის მხრიდან და მას უკვე მზად აქვს ზემოთხსენებული სოციალური ქსელის კონკურენტი?”

პასუხი იყო შემდეგი: “სამწუხაროდ ჩვენ არ ვფლობთ ინფორმაციას ამის შესახებ და რომც გვცოდნოდა ის კონფიდენციალური იქნებოდა”

სულელური

  • სიტყვა Google რამეს ნიშნავს?
  • პრემიები არის?
  • რამდენ ენაზე წერთ?
  • და როგორ აერთიანებთ?
  • მაიკროსოფტის ბინგთან რა ურთიერთობა გაქვთ?

და როგორც “ჯეოსელის” რეკლამის გოგონა იტყოდა “…და ა.შ.”

დასკვნები

საკმაოდ კარგი დღე იყო, ინფორმაციული, აუდიტორიაში ჯდომით დავიღალე, მაგრამ მგონი ღირდა იქ ჯდომა… + სხვადასხვა ფერის პასტები იყო, წარწერით Google და წამოვიღე, გაასწორა მაგრად 😀

დღეს, პირველი აპრილია!

მიყვარს ეს დღე! უპირველეს ყოვლისა ენდი ლარკინის გამო, მისთვის ხომ ყოველი დღე პირველი აპრილი იყო, ყოველი დღე სავსე იყო ფრენქებით და ათასგვარი სისულელეებით.

წელსაც ველოდი ამ დღეს, მეგონა, რომ ჩემ მიმართ წამოსული ტყუილი დიდი რაოდენობის იქნებოდა, რომ ვინმე ძალიან ცუდ, რამდენიმე წუთში მოფიქრებულ ტყუილს მესროდა, ზოგიც კი კარგად დაგეგმილს.

მაგრამ ჩემი ვარაუდი და მოლოდინი არ გამართლდა… ერთი კარგი ტყუილი კი არა არც ერთი არ მომხვედრია… ტყუილი არ ასცდა “ზურგზე რაღაც გაქ”-ის ფარგლებს, სამწუხაროდ.

მე პირადად ვაპირებდი რამის გაკეთებას, მაგრამ დროის უქონლობის გამო ვერ მოვიფიქრე ვერაფერი, ვერ მოვასწარი. სახლში ვაპირებდი მაუსებზე სკოჩის აკვრას, მაგრამ შემდეგ შემეცოდნენ ჩემები და თავი დავანებე… 😀

მაგრამ პირველი აპრილი არ დავიწყებიათ ინტერნეტ-გიგანტებს.

1. YouTube. უკან 1911-ში

საპირველაპრილო ხუმრობები YouTube-მა დაიწყო. მან დაგვაბრუნა 100 წლით უკან და გვაჩვენა თუ როგორი იქნებოდა საიტი და ტოპ-ვიდეოები 100 წლის წინ. დიდი ვერაფერი, წინა წლებში უკეთესი იყო (მაშინ საიტი უკუღმდა იდგა მთელი პირველი აპრილი). მაგრამ მაინც აი ვიდეოც

2. Google Autocompleter&Gmail Motion

Autocompleter

Google არ ღალატობს ტრადიციებს და კვლავ საინტერესო საპირველაპრილო ხუმრობებს გვთავაზობს. ერთ-ერთი მათგანია ვაკანსია, რომელიც მართლაც დაიდო, ვაკანსია autocompleter-ზე ანუ ადამიანზე რომელიც გაასწორებს ძებნის დროს დაშვებულ შეცდომებს, შემოგთავაზებთ უკეთეს ვარიანტს და გააკეთებს იმას რასაც Google აკეთებს მაშინ როდესაც თქვენ ეძებთ.

 

Gmail Motion

თქვენ აღარ გჭირდებათ კლავიატურა, მაუსი და ათასი ამდაგვარი მოძველებული მოწყობილება წერილის დასაწერად. Google წარმოადგენს Gmail Motion-ს, სპეციალურ ალგორითმს რომელიც თქვენ მოძრაობებს ასოებად, სიტყვებათ და ფრაზებად გარდაქმნის. წარმოიდგინეთ, ეს ხომ ჯადოსნური გზა წერილების დასაწერად.

3. ThinkGeek  – ჩემი აზრით საუკეთესო

წელს განსაკუთრებით კარგი გამოუვიდდათ, მათ Apple Store-ის მოდელის რეკლამა გააკეთეს, რომელიც ნადვილად ღირს ყურებად და თუ თქვენ ნადმვილი ფანი (მოყვარული) ხართ აუცილებლად შეიძენთ დამატებით ელემენტს. “რიგს”

აუცილებლად ნახეთ:

%d bloggers like this: