რებრენდინგის პონტი

2 კვირაა ბლოგის “რებრენდინგზე” ვფიქრობ.

ბლოგის URL ანუ მისამართი არის konspace.wordpress.com

თავზე კი ეწერა Kon Mu’s blog, ფბ გვერდსაც ასე ერქვა, ყველა RSS-საც.

ეს სახელი ძველი ბლოგსპოტის ბლოგიდან იყო გამოყოლილი, მაგრამ დღე საქმე არ მქონდა, დავჯექი და ყველაფერი შევცვალე, ახლა ყველაფერი უნიფიცირებულია, ყველაფერი ერთმანეთს ემთხვევა, გამოვცვალე პოსტერიც.

ყველაზე მტკივნეული პროცესი არის სხვა საიტებზე დადებული ბანერების შეცვლა ანუ საიტების ადმინისტრატორებთან დაკავშირება, თანაც მაშინ როდესაც საიტს უკვე სხვა ვინმე განაგებს.

ამ დროისთვის თითქოს ყველგან ყველაფერი შევასწორე, იმედეა საძიებო სისტემებშიც მალე გასწორდება.

ესეც ახალი ბანერი, ძველისგან არაფრით განსხვავდება, თითქმის

 

ვორდპრესის 8 წელიწადი

2003 წლის 27 მაისს, ღია კოდის მქონდე პირველი პროექტი გახდა საზოგადოებისთვის ხელმისაწვდომი, პროექტი სახელად WordPress.

დღეს ვორდპრესი აღარ არის მხოლოდ ბლოგინგის პლატფორმა, ეს არის გზა შესწვდე უზარმაზარ აუდიტორიას.

დღეს ვორდპრესის მხარდაჭერით მუშაობს 45 მილიონზე მეტი ვებ-გვერდი.

მე არც თუ ისე დიდი ხანია ვხმარობ ამ პლატფორმას (იანვრიდან) მაგრამ თამამამ შემიძლია ვთქვა, რომ ის ყველა სხვა დანარჩენს სჯობს. მანამდე წელიწადნახევრის განმავლობაში ბლოგერის მომხმარებელი ვიყავი, შემდეგ გადავწყვიტე გადმოვბარგულიყავი და ვთვლი, რომ არჩევანი საუკეთესო პლატფორმაზე შევაჩერე. მიუხედავად რამდენიმე ნაკლისი (არ აქვს ფლეშის მხარდაჭერა) ის მაინც რჩება მსოფლიოს უმსხვილეს პლატფორმად და დღევანდელ HTML5 სამყაროში, სადაც ფლეში მალე არ იქნება საჭირო, ვორდპრესი გახდება ბლოგინგ პლატფორმებს შორის გამოკვეთილი ლიდერი.

მეტს, მაიკს და კიდევ სხვა ასობით მოხალისეს ვულოცავ ვორდპრესის დაბადების დღეს და მადლობას ვუხდი მათი სამუშაოსთვის! 🙂

P.S. ეს არის მე-300 პოსტი ^_^

ვორდპრესი – 2003 წლიდან დღემდე

This slideshow requires JavaScript.

როგორ დავაყენოთ ორივე “like” და “share” ღილაკი ვორდპრესსზე?[update]

როგორც იცით თქვენ ვორდპრესს ბლოგზე გაქვთ არჩევანი facebook-ის სოციალურ ღილაკებს შორის. უნდა აირჩიოთ ან like ღილაკი ან share ღილაკი. ამ პოსტში მე გასწავლით იმას თუ როგორ იქონიოთ ორივე ღილაკი, რათა მკითხველს შესაძლებლობა მისცეთ აირჩიოს გავრცელების მისთვის უფრო ხელსაყრელი გზა.

მაშ ასე:

1. შედით თქვენს დეშბორდში(Dashboard)
2. Settings
3. Sharing
4. “Available Services”-ის ქვემოთ აირჩიეთ “Add a new service”
5. “Service Name”-ში ჩაწერეთ “facebook” ან  “share”
6. “Sharing URL”-ში დააკოპირეთ შემდეგი ლინკი:   http://www.facebook.com/sharer.php?u=%post_url%
7. “Icon URL”-ში კი ეს ლინკი დააკოპირეთ:      http://cdn.iconfinder.net/data/icons/Classy_Social_Media_Icons/16/facebook.png
8. დააჭირეთ  “Create Share Button”
9. გადაიტანეთ თქვენი შექმნილი ღილაკი “Enabled Services”-ში
10. ახლა კი ორიგინალური Facebook button დააყენეთ “like button”-ზე.

სურათი კარგად ვერ მოვჭერი. არ ვარ ჩემი კომპიუტერიდან.

ახლა თქვენ გაქვთ ორივე like და share სოციალური ღილაკი.

ისე ცნობისთვის…

უკვე 2 კვირაა რაც ბლოგი ვორდპრესსზე გადმოვიტანე და არ ვნანობ.

ამ ორი კვირის განმავლობაში მქონდა, კი არა და მაქ 820 “ნახვა”.

ყველაზე მეტი ერთ დღეში იყო გუშინ 214 ნახვა.

და ყველაზე მეტად რამაც გამაკვირვა და გამახარა ის არის რომ გუშინ 2-მა ადამიანმა გამოიწერა ბლოგი და დაიწერა დაახლოებით 20 კომენტარი.

ბლოგი მე-10 ადგილას იყო ტოპ-ბლოგებში და მე-12 ადგილას იყო პოსტი “ისტორიის ოლიმპიადა”.

უბრალოდ მინდოდა დამეწერა, რამაც გამახარა ძალიან.

P.S.  ბლოგერზე რომ ბლოგი მქონდა იქ ნახევარი წლის განმავლობაში იყო 2800-ზე ოდნავ მეტი ნახვა. YAY ^_^

როგორ ავარჩიოთ თემა ბლოგისთვის?[GUIDE]

როგორც წინა პოსტებიდან გაიგებდით, ადრე ბლოგერზე ვპოსტავდი და სულ რამდენიმე დღის წინ გადმოვბარგდი ვორდპრესსზე. აქ ყველაფერი უკეთესია, დაწყებული იმით რომ მთლიანად ფლობ შენი ბლოგის კონტენტს[ბლოგერზე დაპოსტილი გუგლის საკუთრებად რჩება] და დამთავრებული იმით რომ გაცილებით უფრო მეტი ადამიანი ნახულობს ბლოგს და საძიებო სისტემებშიც ჩანს ბლოგი[ბლოგერზე არ ჩანდა].

მხოლოდ ერთმა პატარა დეტალმა ამაღელვა თავიდან, თუმცა მივეჩვიე. ის რომ ვორდპრესსზე ყველა თემა განსხვავებულია ფუნქციების, საიდბარების რაოდენობის და სხვა პარამეტრების მიხედვით, ბლოგერზე კი ყველა თემა იყო სტანდარტული, ყველას ჰქონდა ორი საიდბარი და ა.შ. თუმცა როგორც tamaRa-მ აღნიშნა თანაც

სხვა იმდენი პლიუსი აქვს, რომ დიზაინზე წუწუნი სირცხვილიცაა…

 

ბევრი რომ აღარ ვილაპარაკო, იმისათვის რომ მარტივად აარჩიოთ თემა დაფიქრდით 3 რამეზე:

1. რისთვის უნდა გამოიყენოთ გვერდზე არსებული სივრცე
2. რას უთმობთ უფრო მეტ ადგილს? ტექსტს თუ ვიჯეტებს და სხვა დანამატებს.
3. ბლოგის იდეის, დანიშნულების შესახებ. [თემას ფერს ვერ შეუცვლით]

ასევე თემის ძიების დროს მიუთითეთ პარამეტრები: რამდენი საიდბარი გინდათ, ფერი, ცვალებადი ბექგრუნდები და ა.შ.

მე მიყენია

The Journalist v1.9

რომელიც ძალიან მოსახერხებელია, რადგანაც ტექსტს ეთმობა საკმაოდ დიდი ადგილი და ვიჯეტებისთვის და სხვა დანამატებისთვის არის ერთი, გრძელი საიდბარი.

 

[postaday2011]

წლის აღმოჩენა[ჩემთვის]

ახლა მეზარება ფოტოშოპში პოსტერის გაკეთება ამიტომაც უბრალოდ დავწერ. წლის აღმოჩენა ჩემთვის არის:

WordPress

რატომ გადმოვბარგდი wordpress-ზე

 

WordPress-ზე ახალბედა ვარ, მანამდე სულ blogger-ზე ვიყავი, რადგანაც ის ძალიან მარტივია, ძალიან ინტუიციურია და ძალიან მოსახერხებელი, ვორდპრესი კი ცოტა არ იყოს საჩხლაფორთოა. სანამ ვიჯეტები ვიპოვე გადავქექე ყველაფერი.

 

სანამ ბლოგერზე ვიყავი საერთოდ არ შემოდიოდა მკითხველი, მიუხედავად იმისა რომ ბლოგი დაინდექსებული იყო გუგლის მიერ(მთლიანად).

 

არჩევნის წინაშე მდგარი მე

 

 

ბევრ მეგობარს აქვს ბლოგი ვორდპრესზე, მაგრამ ადრე ვცადე, მეძნელა, არ მომეწონა და დავანებე თავი. ეს შეიძლება განპირობებულია იმით, რომ აქ ცოტა ვიჯეტია, თემები ერთმანეთისგან განსხვავებულია ფუნქციებით და ა.შ., ბლოგერზე კი ყველა თემას ერთნაირად არედაქტირებ და ადვილად სვავ HTML კოდს, რაც აქ ვერ ვიპოვე.

 

მაგრამ მოუხედავად ვორდპრესის ჩახლართულობისა, ბლოგი უკვე ჩანს გუგლში, არადა გუშინ დავარეგისტრირე, რაც ძალიან მახარებს. დღეს 31 ადამიანი შემოვიდა რაც კარგია, ძალიან კარგი.

მოკლედ გული მიგრძნობს ვორდპრესზე დიდი ხნით შევჩერდები.